ශ්‍රීලනිප හා සන්ධාන මහලේකම්වරුන් වන දුමින්ද දිසානායක මහතා සහ මහින්ද අමරවීර මහතා අගමැතිවරයාට එරෙහිව ගෙනා විශ්වාසභංගය පාවාදුන් බව හිටපු අමාත්‍ය අනුර ප්‍රියදර්ශන යාපා මහතා පවසයි.
ඔහු මේ බව පැවසුවේ ආණ්ඩුවෙන් ඉවත්වූ ශ්‍රී ලංකා නිදහස් පක්ෂ 16 කණ්ඩායම රට පුරා පැවැත්වීමට නියමිත ‘නිදහසේ හෘද සාක්ෂිය‘ සම්මන්ත්‍රණ මාලාවේ පළමුවැන්න ඊයේ මාතර උයන්වත්ත ක්‍රීඩාගනයේදී ආරම්භ වූ අවස්ථාවේ සභාව අමතමිනි.
පක්ෂයේ ලේකම්වරුන් දෙදෙනා අප්‍රේල් 3වැනිදා මංගල සමරවීර අමාත්‍යවරයාගේ නිවසේදී පැවති සාකච්ඡාවකින් අනතුරුව අගමැතිට එරෙහි විශ්වාසභංගය පාවා දුන් බවයි.
වැඩිදුරටත් සභාව අමතමින් අනුර ප්‍රියදර්ශන මහතා එක්සත් ජාතික පක්ෂය හා අගමැති රනිල් වික්‍රමසිංහද දැඩි ලෙස විවේචනය කර සිටියේය. හිටපු අමාත්‍ය එස්.බී. දිසානායක මහතාද මෙම සභාව අමතමින් එජාපයේ ක්‍රියාකලාපය දැඩි ලෙස විවේචනය කර සිටියෙ ය.