ප්‍රමිති සහතිකය ලැබූ මීටරයක් නොමැති ත්‍රී රෝද රථවල කුලී ගමන් යාම ලබන 20 වනදා සිට තහනම් කරන බව මාර්ග ආරක්ෂාව පිලිබද ජාතික සභාව පවසනවා.
මේ වනවිට ලංකාවේ ලියාපදිංචි ත්‍රී රෝද රථ ප්‍රමාණය එකොලොස් ලක්ෂය ඉක්මවනවා. ඒ අතරින් නව ලක්ෂයක් පමණ මගී ප්‍රවාහනයේ යොදවා ඇති බවයි වාර්තා වන්නේ.
පසුගිය වසරේ ඔක්තෝබර් පළමුවනදාට පෙර ත්‍රී රෝද රථවලට මීටර් සවි කිරීම අනිවාර්ය කෙරුණද එම කාලය දීර්ඝ කෙරුණේ ත්‍රී රෝද රථ සංගම් වල ඉල්ලීම අනුවයි.