දූෂිත ප්‍රභූන්ගේ සන්ධානය පාර්ලිමේන්තුවේදී සන්ධානගතවූ බව ජනාධිපති මෛත්‍රීපාල සිරිසේන මහතා පවසයි.
බැදුම්කර කොමිෂන් සභා වාර්තාව සහ, බරපතල වංචා විමර්ශන කොමිෂන් සභා වාර්තාව ඡන්දයෙන් පසු විවාදයට ගැනීමට දෙපාර්ශවයම එකගත්වයකට පැමිණ ඇති බවත්, බොරැල්ලේ නිවසක රැස්වී දෙපාර්ශවයම මෙම එකගතාවට පැමිණි බවට තමන්ට තොරතුරු ලැබුණු බවත් ජනාධිපතිවරයා කියා සිටී.
පානදුරේ පැවති එක්සත් ජනතා නිදහස් සන්ධාන රැලියක් අමතමින් ජනාධිපතිවරයා මේ බව කියා සිටියේය.
එම කොමිෂන් සභා වාර්තාව පෙබරවාරි 10 වැනිදාට පෙර හැකිනම් විවාදයට ගන්නැයි ද ජනාධිපතිවරයා එහිදි දෙපාර්ශවයටම අභියෝග කර සිටියේය.
එහිදි වැඩිදුරටත් අදහස් පලකල ජනාධිපතිවරයා කියා සිටියේ දූෂණය වංචාව පිළිබදව තමන් සමග වාද කිරීමට පැමිණෙන්නැයි මෙරට ප්‍රධාන පක්ෂවල නායකයන්ට තමන් අභියෝග කරන බවයි.