“පළමුවෙනි පාර රැවටුණා. ආයෙත් අපි රැවටෙන්නේ නැහැ” යනුවෙන් මහින්ද රාජපක්ෂ මහතා පැවැසීම අපැහැදිලි බවත් සැබැවින්ම රැවටීමට ලක්වුණේ මහින්ද රාජපක්ෂ මහතා හදිසි මැතිවරණයකට ගොස් සියලු දෙනා පරාජයට පත් කරවීම නිසා බවත් ගාල්ල දිස්ත්‍රික් පාර්ලිමේන්තු මන්ත්‍රි පියසේන ගමගේ සඳහන් කරයි.
දෙවැනි පාර රැවටෙන්නේ නැහැ යනුවෙන් කරන ප්‍රකාශවලට වඩා වැදගත් වන්නේ සියලු දෙනා එකට එකතු වී ඉදිරි මැතිවරණයට මුහුණ දීම බවද ඔහු පෙන්වා දුන්නේය.පොහොට්ටුව තිබුණද එය පිළිගත නොහැකි මෙන්ම හරිහැටි නායකයකුද නොමැති පක්ෂයක් බවත්, දෙපිරිසම එක් නොවුණහොත් නොසිතූ ප්‍රතිඵලයක් අත්වීමට ඉඩ තිබෙන බවත් හෙතෙම අවධාරණය කළේය.