නව ව්‍යවස්ථාව සම්බන්ධයෙන් දැනුවත් කිරීම සදහා පුරවැසි බලය සංවිධානයේ ගාමිනී වියන්ගොඩ, වික්‍රමබාහූ කරුණාරත්න, කේ.ඩබ්. ජනරංජන ඇතුළු පිරිසක් අද (03) මල්වතු නාහිමියන් හමුවිය.
නව ව්‍යවස්ථාවෙන් බුද්ධාගමට ප්‍රමුඛස්ථානය අහමිවේ යැයි කරන ප්‍රකාශ සත්‍ය නොවන බවත්, ඒකීය රටක් තුල බලය බෙදන බවත් ඔවුහු නාහිමියන් හමුවේ කියා සිටියේය. ඊයේ (02) දිනේෂ් ගුණවර්ධන මහතා හමුවේ මල්වතු නාහිමියන් නව ව්‍යවස්ථාවට පක්ෂව අදහස් දැක්වීම අගය කළ එම පිරිස, තමන්ට අවශ්‍ය වන්නේ එවැනි සංඝ පීතෘවරයන් යැයි ද කියා සිටියේය.
නව ව්‍යවස්ථාව සම්බන්ධයෙන් ඇතැම් භික්ෂූන් වහන්සේලා සහ දේශපාලකයන් බොරු ප්‍රචාරය කරන බවත්, නව ව්‍යවස්ථාවෙන් බුද්ධාගමට හා රටට හානියක් නැතැයි කියා ජනතාව දැනුවත් කරන ලෙසත් පුරවැසි බලය නියෝජිත පිරිස මල්වතු නාහිමියන්ගෙන් ඉල්ලා සිටියේය.