උතුරේ ආර්ථික තත්ත්වය දියුණු වී ඇතත්, දේශපාලන විසදුමක් දිනා නොගෙන ආර්ථික සංවර්ධනයේ ප්‍රතිඵල ලගාකරගත නොහැකි තත්ත්වයක් මතුව ඇති බවත්, ආර්ථික සංවර්ධනය මෙන්ම දේශපාලන විසදුමක් ලබා ගැනීමද අත්‍යවශ්‍ය වන බවත් උතුරු පළාත් ප්‍රධාන අමාත්‍ය සී.වී. විග්නේෂ්වරන් පවසයි.
මෙරට සංචාරයක නිරත වූ සිංගප්පූරු විදේශ කටයුතු අමාත්‍ය විවියන් බාලක්‍රිෂ්ණන් මහතා, යාපනය කයිතඩි හී සිය කාර්යාලයේදී හමුවූ අවස්ථාවේ ප්‍රධාන අමාත්‍යවරයා මේ බව ප්‍රකාශ කර ඇත.
විග්නේෂ්වරන් මහ ඇමතිවරයාගේ ඉල්ලීම් ජනාධිපති මෛත්‍රීපාල සිරිසේන මහතාගේ සහ අගමැති රනිල් වික්‍රමසිංහ මහතාගේ අවධානයට යොමු කරන බව සිංගප්පූරු විදේශ ඇමතිවරයා එහිදී සදහන් කර ඇත.