ඊයේ පස්වරැවේ පේදුරුතුඩුව මනල්කාඩුහිදී වැලි ප‍්‍රවාහනය කල ලොරි රථයට වෙඩි තැබීමෙන් එක් පුද්ගලයෙකු මිය යම නිසා කලහකාරිව හැසුරුණු දෙදෙනෙකු පේදුරුතුඩුව පොලීසිය අත්අඩංගුවට ගෙන තිබේ.
කලහකාරී පිරිස් විසින් මනල්කාඩුහි ඇති පොලිස් මුරපොළකටද පහර දී හානි කර ඇති අතර වෙඩි තැබීම සිදු කලේ යයි කියන උපපොලිස් පරික්ෂකගේ නිවස හා දේපලවලටද පහර දී හානි කර ඇත. එම සිදුවීමට අදාලව පොලීසිය විසින් දෙදෙනෙකු ඊයේ දිනයේදී අත්අඩංගුවට ගෙන තිබේ.
මුහුණු බැදගත් යතුරැපැදි කල්ලියක් විසින් පොලිස් බංකරයටත් පොලිස් නිලධාරියාගේ නිවසටත් පහර දුන් බවට ලද තොරතුරැු මත පරීක්ෂණ කරන බවද වාර්තා වෙයි. අදාල වෙඩි තැබීම සම්බන්ධයෙන් චෝදනා එල්ල වී තිබෙන පොලිස් නිලධාරීන් දෙදෙනා මේ වන විටත් පොලිස් අත්අඩංගුවට ගෙන වැඩ තහනමකටද ලක් කර ඇත.
වැඩිදුර පරීක්ෂණ කටයුතු සදහා කොළඹින් විශේෂ පොලිස් කණ්ඩායමක් පේදුරැතුඩුවට බලා ගොස් ඇත.
