කීරමූන්දලම ප්‍රදේශයේ සඟවා තිබූ ග්ලයිෆොසේට් තොගයක් නාවික හමුදාව විසින් සොයාගෙන ඇති බව වාර්තා වෙයි.
නාවික හමුදාවට ලද තොරතුරක් මත වයඹ නාවික විදානයේ නිළධාරීන් පිරිසක් සිදුකල වැටලීමකදී පඳුරක් තුළ සඟවා තිබියදී අදාළ ග්ලයිෆොසේට් තොගය සොයාගෙන ඇති බව සඳහන් වෙයි.
ග්ලයිෆොසේට් කිලෝ ග්‍රෑම් 630ක් එලෙස සඟවා තිබූ බව නාවික හමුදාව සඳහන් කරයි.
නාවික හමුදාව භාරයට ගත් ග්ලයිෆොසේට් තොගය වැඩිදුර විමර්ශනය සඳහා පේරාදෙණිය කෘෂිකර්ම දෙපාර්තමේන්තුව වෙත භාරදීමට පියවර ගෙන තිබේ.
පසුගිය 21 වනදා ද පෙරියපාඩු ප්‍රදේශයේදී ලොරි රථයකින් ප්‍රහවාහනය කරමින් තිබූ ග්ලයිෆොසේට් ග්‍රෑම් 100 බැගින් අඩංගු ඇසුරුම් 4205ක් සමඟ සැකකරුවන් දෙදෙනෙකු නාවික හමුදාව විසින් අත්අඩංගුවට ගෙන තිබුණි.