මහජනයා නොමග යවන අයුරින් අසත්‍ය ප්‍රකාශ කළේයැයි සැකපිට අත්අඩංගුවට ගත් ජ්‍යොතිර්වේදී විජිත රෝහණ විජේමුණි මහතා ඇප මත මුදා හරින ලෙස කොළඹ ප්‍රධාන මහේස්ත්‍රාත් ලාල් රණිසංහ බණ්ඩාර මහතා නියෝග කළේය.
රුපියල් 1,000,000 බැගින් ශරීර ඇප දෙකක් හා රුපියල් 10,000 මුදල් ඇපයක් සැකකරුට නියම විය.
රහස් පොලිසියෙන් අත්අඩංගුවට ගත් රෝහණ මහතා ඊයේ (20) රාත්‍රී මහේස්ත්‍රාත් නිල නිවසට ඉදිරිපත් කළ අතර එහිදී ඇප නියම වුවත් ඇප කොන්දේසි සපිරීමට අවස්ථාවක් නොවූයෙන් ඔහු බන්ධනාගාර ගත කැරිණි.
සැකකරු අද ඇප තැන්පත් කළේය.