හිටපු ජනාධිපති මහින්ද රාජපක්ෂ මහතාට ලබා දී තිබු හමුදා ආරක්ෂාව ඉවත් කිරීම නිසා මහා සංඝරත්නයත්, මහජනතාවත් කැළඹීමට පත්ව ඇතැයි රාමාඤ්ඤ මහා නිකායේ මහා නායක, අග්ගමහා පණ්ඩිත අතිපූජ්‍ය නාපාන පේමසිරි මහා නාහිමියන් ජනපති මෛත්‍රීපාල සිරිසේන මහතාට ලිපියක් යොමු කරමින් කියා සිටිති.
රට දෙකඩ කිරීමේ උත්සාහය තවමත් නිමා වී නොමැති බැවින්, ත්‍රස්තවාදය පරාජය කළ හිටපු නායකයාට ඇති ජීවිත තර්ජන පහව ගොස් නොමැති බවත්, එම නිසා එතුමාට ලබා දී තිබූ හමුදා ආරක්ෂාව නැවත ලබා දීමට කටයුතු කරන ලෙසද මහා නාහිමියන් ජනපතිවරයාට අනුශාසනා කර සිටිති.
අමරපුර මහා නිකායේ මහා නාහිමියන්ද පසුගියදා ලිපියක් යොමු කරමින් හිටපු ජනාධිපතිවරයාගේ හමුදා ආරක්ෂාව නැවත ලබා දීමට කටයුතු කරන ලෙස ජනාධිපතිවරයාගෙන් ඉල්ලා තිබිණි.
