Colombo Today Local News

මොරගහකන්ද ජලාශයෙන් වැටී කෝප්‍රල්වරයෙක් මිය යයි

නාඋල පොලිස් වසමේ, මොරගහකන්ද ජලාශයෙන් ඊයේ (23) රාත්‍රී කාලයේදී පුද්ගලයෙකු වැටී මිය ගොස් තිබේ.

මරණකරු වයස අවුරුදු 39ක්වූ ඇල්පිටිය ප්‍රදේශයේ පදිංචි කිරලගොල්ල යුද්ධ හමුදා කඳවුරට අනුයුක්ත කෝප්‍රල්වරයෙකි.

මොරගහකන්ද ජලාශයේ, ජලාශ වේල්ල හා විදුලි බලාගාරයේ ආරක්ෂාවට දඹුල්ල කිරලගොල්ල යුද්ධ හමුදා කඳවුරේ නිලධාරීන් 10 දෙනෙකුගෙන් යුත් අනු කණ්ඩායමක් යොදවා සිට ඇත.

ඉන් එක් සෙබළෙකු නොමැති බව නිරීක්ෂණය වීමෙන් පසු සිදු කළ සොයා බැලීමේදී මෙම ජලාශයේ බැම්මට මීටර් 300ක් පහළින් ජලය ගලා යන පාලම යට මුනින් අතට වැටී සිටියදී මෘත දේහය සොයාගෙන තිබේ.

මෘත ශරීරය සිද්ධිය වූ ස්ථානයේ පොලිස් ආරක්ෂාව යටතේ ඇති අතර මුලික මහේස්ත්‍රාත් පරීක්ෂණය හා පශ්චාත් මරණ පරීක්ෂණය අද (24) දින සිදු කිරීමට නියමිත ය.

සිද්ධිය සම්බන්ධයෙන් නාඋල පොලිසිය වැඩිදුර විමර්ශන සිදු කරයි.

Related posts

“ආවා“ කල්ලියේ ප්‍රධානියා හිටපු කොටි සාමාජිකයෙක්… ත්‍රස්ත විමර්ෂණය අධිකරණයට දැනුම් දෙයි

colombotoday

පාස්කු කොමිසමේ සාක්ෂිකරුවන්ගෙන් සාක්ෂි සටහන් කරගැනීම අවසන්.

colombotoday

ඇමති මංගලට එරෙහිව මීගමුවේ කතෝලිකයන් වීදි බසී

colombotoday

ඉදිරි දින කිහිපයේදී පත් කරන නව කැබිනට්ටුවේ ඇමැතිකම් බාර ගන්නේ නැහැ

colombotoday

මහජන මන්ත‍්‍රණ සභාවට ගිය ආණ්ඩුවේ හවුල් පක්ෂ නායකයින්ට එරෙහිව විනය පරීක්ෂන !

colombotoday

නාමයෝජනා නොලැබුනු මාලිමාවෝ දුකින්

Admin