අද (11) උදෑසන 7.00ට පමණ පනාමුර ප්‍රදේශයේ පාසලකට සිය දරුවා ඇරලවා යතුරුපැදියෙන් ආපසු නිවස බලා යමින් සිටි පුද්ගලයෙකු වෙඩි තබා ඝාතනය කර ඇතැයි පනාමුර පොලිසිය පවසයි.
වෙඩි වැදීමෙන් මිය ගොස් ඇත්තේ පනාමුර, ඕමල්පෙ, කැම්පනේ ප්‍රදේශයේ පදිංචි දරුවන් තිදෙනෙකුගේ පියෙකු වන හතලිස් අට හැවිරිදි පුද්ගලයකි.
උදෑසන දරුවා යතුරුපැදියෙන් පාසලට ඇරලවා ආපසු නිවස බලා යමින් සිටියදී කිසියම් පුද්ගලයෙකු ඔහුට වෙඩි තබා ඇත.
සිද්ධිය සම්බන්ධයෙන් මෙතෙක් සැකකරුවෙකු අත්අඩංගුවට ගෙන නොමැති අතර පනාමුර පොලිසිය මේ පිලිබදව වැඩි දුර පරීක්ෂණ පවත්වනු ලබයි.