යුද්ධ හමුදා මාණ්ඩලික ප්‍රධානි ලෙස මේජර් ජෙනරල් ප්‍රියන්ත පෙරේරා පත් කර ඇත.
නව පත්වීම් ලද මේජර් ජෙනරල් ප්‍රියන්ත පෙරේරා පසුගිය (15) වන දින යුද හමුදාපති කාර්යාලයේදී ආරක්‍ෂක මාණ්ඩලික ප්‍රධානි සහ යුද්ධ හමුදාධිපති ජෙනරල් ශවේන්ද්‍ර සිල්වා හමුවී නව පත්වීම් ලිපිය භාරගත්තේය.
මෙම හමුවේදී මේජර් ජෙනරල් ප්‍රියන්ත පෙරේරාගේ නව පත්වීම වෙනුවෙන් සුභපැතුම් පිරිනැමු යුද්ධ හමුදාධිපතිවරයා ‘2020-2025 ඉදිරි උපාය මාර්ග සැලැස්ම’ සහ නිලධාරීන්ගේ පුහුණුවීම් තවදුරටත් ප්‍රවර්ධනය කරගැනිම යන කරුණු පිළිබද සහ යුද්ධ හමුදාවේ විධිවිධාන තවදුරටත් වැඩිදියුණු කළ හැකි ආකාරය පිළිබඳ මේජර් ජෙනරල් ප්‍රියන්ත පෙරේරා සමග අදහස් හුවමාරු කරගත්හ.
මේජර් ජෙනරල් ප්‍රියන්ත පෙරේරා 58 වන යුද්ධ හමුදා මාණ්ඩලික ප්‍රධානි තනතුරට පත්වීමට පෙර ආරක්‍ෂක සේනා ආඥාපති – යාපනය ලෙස රාජකාරි ඉටුකරන ලදි.