මාධ්‍යවේදී ප්‍රගීත් එක්නැළිගොඩ අතුරුදන් වීමේ සිද්ධියට අදාළව ප්‍රකාශ සටහන් කරගැනීම සදහා හිටපු යුද හමුදාපති ජෙනරාල් ජගත් ජයසූරිය මහතා ඇතුළු බුද්ධි අංශ නිලධාරීන් සිව් දෙනෙකු ඉදිරි දින කිහිපය ඇතුළතදී අපරාධ පරීක්ෂණ දෙපාර්තමේන්තුවට කැදවීමට නියමිත බව වාර්තා වේ.
ඒ අතර හිටපු බුද්ධි අංශ අධ්‍යක්ෂක අමල් කරුණාසේකර මහතාද වන අතර වත්මන් බුද්ධි අංශ ප්‍රධානී සුරේෂ් සලේ යන මහත්වරුන්ගෙන්ද ප්‍රකාශ සටහන් කර ගැනීමට නියමිතව තිබෙන බව එම වාර්තා පවසයි.
එම ප්‍රකාශ සටහන් කරගැනීමෙන් පසුව හිටපු ආරක්ෂක ලේකම් ගෝඨාභය රාජපක්ෂ මහතාගෙන් එම සිදුවීමට අදාළව ප්‍රශ්න කෙරෙනු ඇතැයි එම ආරංචි මාර්ග වැඩිදුරටත් පවසයි.
මේ අතර ප්‍රගීත් එක්නැළිගොඩ නමැති අය එල්.ටී.ටී.ඊ සංවිධානය සමග රහසිගත සම්බන්ධතා පැවැත්වූ අයෙකු බවට යුද හමුදා බුද්ධි අංශ හෙළිදරව් කර තිබිණි.