අග්‍රාමාත්‍ය රනිල් වික්‍රමසිංහ මහතාට එරෙහිව ලබන හතර වැනිදා විවාදයට ගන්නා විශ්වාසභංග යෝජනාවෙන් අනතුරුව ජනාධිපති මෛත්‍රිපාල සිරිසේන මහතාට එරෙහිව දෝෂාභියෝගයක් ඉදිරිපත් කිරීම සඳහා එජාපයට සම්බන්ධ පිරිසක්‌ සූදානම් වන බවට දේශපාලන ආරංචි මාර්ග පවසයි.
විශ්වාසභංග යෝජනාව පරාජය කර, අග්‍රාමාත්‍යවරයාට පාර්ලිමේන්තුවේ බහුතර විශ්වාසය තහවුරු කර ගත හැකි වුවහොත් මෙම පියවර සඳහා එජාපය කටයුතු කරනු ඇතැයි පැවසේ.
එජාප පාර්ශ්වයෙන් ආණ්‌ඩුවේ අමාත්‍ය ධුරයක්‌ දරන නීති ක්‍ෂේත්‍රයේ දැවැන්ත තනතුරක්‌ දරන ලද චරිතයක්‌, ජනාධිපතිවරයාට එරෙහිව එම දෝෂාභියෝගය සකස් කරමින් පවතින බව පැවසේ.
ශ්‍රී ලංකා පොදුජන පෙරමුණ සමඟ ද මෙම දෝෂාභියෝගය සම්බන්ධයෙන් එජාපයේ නීතිඥ පිරිස සාකච්ඡා පවත්වා ඇති බව පැවසේ.
Divaina