ජාතික ප්‍රතිපත්ති හා ආර්ථික කටයුතු අමාත්‍යංශ්‍ය යටතේ තිබූ ශ්‍රී ලංකා මහ බැංකුව, ශ්‍රී ලංකා සුරකුම්පත් හා විනිමය කොමිෂන් සභාව මුදල් අමාත්‍යංශයට පැවරීමේදී අග්‍රාමාත්‍යවරයාගෙන් ඉවත්කරන ලද තවත් ආයතන දෙකක් කිසිදු අමාත්‍යවරයකුට ලබා නොදී ජනපතිවරයා යටතට ගෙන තිබේ.
ඒ ජාතික වැටුප් කොමිෂම හා ණය තොරතුරු කාර්යාංශය යන දෙකයි.
ජනාධිපතිවරයාගේ අදාළ ගැසට් නිවේදනයෙන් මීට පෙර අමාත්‍යංශ වෙනස්වීමේදී ව්‍යාප්ති කළමනාකරණ තරුණ කටයුතු හා දක්ෂිණ සංවර්ධන අමාත්‍යවරයා වශයෙන් පත්වූ සාගල රත්නායක අමාත්‍යවරයාට අග්‍රාමාත්‍යවරයාගෙන් ඉවත් කළ ආයතන 12න් 08ක් පවරා තිබේ.
කෙසේවුවද, අග්‍රාමාත්‍යවරයාගේ ජාතික ප්‍රතිපත්ති හා ආර්ථික කටයුතු අමාත්‍යංශය යටතට ආහාර කොමසාරිස් දෙපාර්තමේන්තුව හා ලිට්රෝ ගෑස් සමාගම හැර ශ්‍රී ලංකා රක්ෂණ සමාගම හා එහි පාලිත සමාගම් පත්කර තිබේ.
මූලාශ්‍රය – රාවය