Colombo Today Local News

නාවික හමුදා යාත්‍රා දෙකක් එකිනෙකට ගැටී සෙබළකු අතුරුදහන්… දෙදෙනෙක් රෝහලේ

කරෙයිනගර් මුහුදු සීමාවේදී ඊයේ(10) රාත්‍රියේ මුර සංචාරයේ යෙදුනු නාවික හමුදා යාත්‍රා දෙකක් එකිනෙකට ගැටීමෙන් එක් නාවික සෙබළකු අතුරුදහන් වී තවත් සෙබළුන් දෙදෙකු තුවාල ලබා ඇතැයි පොලීසිය පවසයි.

අතුරුදහන් වූ නාවික හමුදා සෙබලා මෙතෙක් සොයාගෙන නොමැති අතරම නාවික හමුදාවේ කිමිදුම් බළකාය හා පොලීසිය එක්ව අද (11)දින මෙහෙයුමක් ආරම්භ කර ඇත.

කරෙයිනගර් නාවික හමුදා කඳවුරට අයත් වෝටර් ජෙට් නැමති යාත්‍රා දෙකක නිලධාරීන් විසින් කරෙයිනගර් නාවික ජැටියෙ සිට මුහුදු සැතපුම් 07 ක් පමණ වූ මුහුදු සීමාවේදී සෝදිසි මෙහෙයුමක් සිදුකරන අතර තුරදී සැකකටයුතු යාත්‍රාවක් නිරීක්ෂණය වී ඇත.

අනතුරුව අදාල සැකකටයුතු යාත්‍රාවට නවතින ලෙස නාවික හමුදාව විධානය කළ ද එය නොනවත්වා යාත්‍රා කිරීම හේතුවෙන් අදාල යාත්‍රාව පසුපස නාවික හමුදාව විසින් වොටර් ජෙට් යාත්‍රා දෙකෙන්ම ලුහුබඳින අවස්ථාවේදී යාත්‍රා දෙක එකිනෙකට ගැටීමෙන් මෙම අනතුර සිදුව ඇතැයි පොලීසිය සැක පළ කරයි.

අනතුරත් සමග එක් ය්‍රාත්‍රාවක සිටි නාවික සෙබළකු මුහුදට වැටී දියේ ගිලීමෙන් අතුරුදහන්ව ඇති අතර තවත් සෙබළුන් දෙදෙකු තුවල ලබා කයිට්ස් මූලික රෝහලට ඇතුළත් කොට ඉන් එක් සෙබළකු වැඩිදුර ප්‍රතිකාර සඳහා යාපනය ශික්ෂණ රෝහලට ඇතුලත් කර තිබේ.

Related posts

පුවක්පැළේදී බස් රථයක් පෙරලී 17ක් රෝහලේ

colombotoday

ප්‍රදේශ කිහිපයකට ජල සැපයුම අත්හිටුවයි

Admin

සමනලවැව ජලාශය මත සූර්ය බලාගාර 02කට ආයෝජකයින්ගෙන් යෝජනා කැඳවයි

Admin

“උඹව උස්සලා පොළොවේ ගහනවා දැනගනින් ප…යා” – බොරලැස්ගමුව ට්‍රැෆික් ඕඅයිසී ගේ බවට සඳහන් හඬ පටයක්.

colombotoday

තවත් මන්ත්‍රීවරයෙක් පොසිටිව්

colombotoday

PCR පරීක්ෂණයට පැමිණි කල්පිටියේ පුද්ගලයෙක් මියයයි – පෑලියගොඩට මාළු ගෙනා ලොරියක සේවය කරලා

colombotoday