සර්ව ආගමික සහජීවන සමුළුව ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් අද (12දා) පස්වරුවේ කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේදී පැවැත්විණි.
අමරපුර නිකායේ මහානායක පූජ්‍ය කොටුගොඩ ධම්මාවාස නායක හිමිපාණන් වහන්සේ, මල්වතු පාර්ශ්වයේ ලේඛකාධිකාරී පූජ්‍ය පහමුණේ සුමංගල හිමි, අස්ගිරි පාර්ශ්වයේ ගරු ලේඛකාධිකාරී මැදගම ධම්මානන්ද හිමි, රාමඤ්ඥ නිකායේ ලේඛකාධිකාරී පූජ්‍ය අත්තන්ගනේ සාසනරතන හිමි, ප්‍රමුඛ මහා සංඝරත්නයද හින්දු, ඉස්ලාම්, ක්‍රිස්තියානි ආගමික නායකයෝද මෙම අවස්ථාවට එක්ව සිටියහ.
අමාත්‍ය මනෝ ගනේෂන්, සරත් ෆොන්සේකා, රාජ්‍ය අමාත්‍ය ඒ.එච්.එම්. ෆවුසි යන මහත්වරුන් ඇතුළු මැති ඇමතිවරු සහ රාජ්‍ය නිලධාරින් පිරිසක්ද ඊට එක්ව සිටියහ.
