මේ වසර නිමවීමට පෙර පාඩු ලබන මත්තල ගුවන්තොටුපළ සම්බන්ධයෙනුත් ගිවිසුමක් ඇති කරගන්නා බව අග්‍රාමාත්‍ය රනිල් වික්‍රමසිංහ මහතා පවසයි.
මහ බැංකුවේ, John Exter ජාත්‍යන්තර සම්මන්ත්‍රණ ශාලාවේ දී පැවැති ප්‍රවෘත්ති සාකච්ඡාව එක්වෙමින් අග්‍රාමාත්‍ය රනිල් වික්‍රමසිංහ මහතා මේබව සඳහන් කළේය.
හම්බන්තොට වරයා චීන සමාගමට බදු දීමෙන් රටේ ණයබර අඩුකරගත හැකි බවද අග්‍රාමාත්‍යවරයා එහිදී පෙන්වා දුන්නේය.
වසර 99ක් සඳහා මාගම්පුර වරාය චීන සමාගමට බදු දීමට අදාළ ගිවිසුම පසුගිය 29 දා අත්සන් තැබුණු අතර, එමගින් එකඟවී ඇති ආයෝජන වටිනාකම ඇමරිකා ඩොලර් බිලියන 1.12කි. වරායෙන් 15%ක කොටස් ශ්‍රී ලංකා රජය සතුවන් අතර 85% කොටස් චීන සමාගමට හිමිවේ.