අවුරුදු 35 ඉක්මවූවන්ට පමණක් මින් ඉදිරියට ත්‍රිරෝද රථ පැදවීම සඳහා රියැදුරු බලපත්‍ර නිකුත් කිරීමට ප්‍රවාහන අමාත්‍යංශය තීරණය කර තිබේ.
මාර්ග ආරක්ෂාව පිළිබඳ ජාතික සභාවේ සභාපති, වෛද්‍ය සිසිර කෝදාගොඩ මහතා සඳහන් කළේ, තමන් කළ යෝජනාවක් පදනම් කර ගනිමින් ප්‍රවාහන අමාත්‍යංශය මේ තීරණයට එළඹ ඇති බව ය.
ත්‍රිරෝද රථවලින් සිදුවන අනතුරු සංඛ්‍යාව ඉහළ යෑම සලකා බලා මේ තීරණය ගෙන ඇති බව ද ඔහු ප්‍රකාශ කළේ ය.