Colombo Today Local News

සිවාජිලිංගම් යලි ෆෙඩරල් ඉල්ලයි. ශ්‍රී ලංකාවට යුද අපරාධ චෝදනාවලින් මිදීය නොහැකි බව ද කියයි

තමන්ට තමන්වම පාලනය කරගත හැකි ස්වයංපාලන ව්‍යූහයකින් යුත් ෆෙඩරල් පාලන විසදුමක් උතුරු නැගෙනහිර ජාතික ගැටළුවට ස්ථිර දේශපාලන විසදුමක් වශයෙන් ලබාදිය යුතු බව දෙමළ ජාතික සන්ධාන හිටපු පාර්ලිමේන්තු හා උතුරු පළාත් සභා මන්ත්‍රී එම්.කේ.සිවාජිලිංගම් පැවසීය.

දෙමළ ජනතාව බලාපොරොත්තු වන එම විසදුම ලබා නොදෙන්නේ නම් එම ජනතාව වෙනම රාජ්‍යක් ඉල්ලන තැනට යළිත් තල්ලු වනු ඇති බවද සිවාජිලිංගම් මහතා සදහන් කළේය.

මේ සම්බන්ධයෙන් යහපත් ප්‍රතිචාරයක් ශ්‍රීලංකා රජයෙන් බලාපොරොත්තු විය නොහැකි බවත් එක්සත් ජාතීන්ගේ සංවිධානය මැදිහත්වී උතුරු නැගෙනහිර පළාත්වල වෙසෙන දෙමළ ජනතාව අතර ජනමත විචාරණයක් සිදුකර දෙමළ ජනතාවගේ ඉල්ලීම් තේරුම්ගත යුතු බවත් හෙතෙම සදහන් කලේය.

ජනවාර්ගික අර්බුදයට විසදුම් ගෙන ඒමට අපොහොසත් වීම නිසාවෙන්ම උතුරේ දෙමළ තරුණයින් අවි අතට ගෙන සටන් කිරීමට සිදුවූ බවත් නැවතත් එවන් යුගයකට තල්ලු වීමට ඉඩදිය නොහැකි බවත් ප්‍රජාතන්ත්‍රවාදී මාර්ගයෙන් සියළු ජනතාවට එක්සත් ලංකාවක් තුළ නිදහසේ ජීවත් වීමට ඉඩකඩ විවර කළ යුතුව ඇති බවත් සිවාජිලිංගම් මහතා කියා සිටියේය.

තවද යුද සමයේ දී ආරක්ෂක හමුදාව අතින් යුද අපරාධ හා මානව හිමිකම් කඩවීම් සිදුව ඇති බව 2015 වසරේදී ශ්‍රීලංකා රජය පිළිගෙන ඇති බවත් ශ්‍රීලංකාවේ සම අනුග්‍රහය ඇතිව මානව හිමිකම් කවුන්සිලය යෝජනාවක් සම්මත කරගන්නේද ඒ අනුව බවත් කී සිවාජිලිංගම් මහතා ශ්‍රී ලංකාවට කිසිදු ආකාරයකින් යුද අපරාධ චෝදනාවලින් මිදී සිටිය නොහැකි බවද කීය.

තවද යුද අපරාධ,මානව හිමිකම් කඩවීම් වලට සම්බන්ධ ආරක්ෂක හමුදා සාමාජිකයින්ට එරෙහිව ජාත්‍යන්තර අපරාධ අධිකරණය හමුවේ විමර්ශනයක් සිදුකර අගතියට පත් පාර්ශවයට යුක්තිය ඉටුකරලිය යුතු බවත් එහි වගකීම එක්සත් ජාතීන්ගේ සංවිධානය සහ ජගත් මානව හිමිකම් කවුන්සිලය ගත යුතු බවත් සදහන් කලේය.

Related posts

5G සංඛ්‍යාත වෙන්දේසියක් මඟින් අලෙවි කිරීමට යෝජනා

colombotoday

ශ්‍රී ලංකාවේ ‘වෙනස’ මේ වසරේ ලොව සිදුවූ වැදගත් සිදුවීම්වලින් වැදගත්ම එකක් – බෑන් කී මූන්

colombotoday

ජනපතිගේ යෝජනාව ඒකාබද්ධය පිලිගනී.. මහින්ද ඇගමැති කර සන්ධාන ආණ්ඩුවක්…

colombotoday

පාර්ලිමේන්තුවේ හූව හූවක් උනාට හුවක් නෙවෙයි. හිරුනිකා කියන කතාව

colombotoday

අන්තර්ජාල සේවා මන්දගාමියි. අයකරගත් මුදල් ආපසු දෙන්න. | පාරිභෝගික අයිතීන් සුරකීමේ ජාතික ව්‍යාපාරය Dialog සමාගමට දන්වයි.

colombotoday

සංසාරේ අපිට මුණගැහිච්ච හතුරෝ. නිවන් දකිනකන් ඔය හතුරුකම තියෙයි. මොන හතුරුකම කරත් අපි මෙත් පතනවා. අපට තියෙන්නේ බෝධි සත්ව ආදර්ශය පමණයි. | ඥානසාර හිමි

colombotoday