ලෙබනනයේ සිදු වූ පිපිරීම හේතුවෙන් මියගිය සහ තුවාල ලැබු පිරිස් ඇතුළු එරට වැසියන්ට ශ්‍රී ලංකා රජයේ ශෝකය පළකර තිබේ.
ජනාධිපති ගෝඨාභය රාජපක්ෂ මහතා විසින් ලෙබනන් ජනාධිපති මයිකල් ඕන් මහතා වෙත එම ශෝක පණිවිඩය යොමුකර ඇති බව ලෙබනනයේ ශ්‍රී ලංකා තානාපති කාර්යාලය පැවසුවේය.
පිපිරීමෙන් මේ වනවිට පුද්ගලයින් 137 දෙනෙකු මියගොස් 5000ක් පමණ තුවාල ලබා ඇති බව වාර්තා වේ.
තවත් විශාල පිරිසක් අතුරුදන්ව ඇති බව විදෙස් වාර්තාවල දැක්වේ.
තුවාල ලැබූවන් අතර ශ්‍රී ලාංකිකයින් දස දෙනෙකු ද වන බව ශ්‍රී ලංකා තානාපති කාර්යාලය සඳහන් කළේය.