Colombo Today Local News

රංගන ශිල්පී කාවිංගට ඇප. ලයිසන් අත්හිටුවයි. විනිසුරු නියෝගයෙන් ලක්‌ෂ 5 ක්‌ මරුණකරුගේ බිරිඳට ගෙවයි..!

අධික බීමතින් රිය පදවා මාරක අනතුරක් සිදුකර දින 14 ක් රිමාන්ඞ් භාරයේ සිටි රංගන ශිල්පී කාවිංග පෙරේරා රුපියල් ලක්ෂ පහක ශරීර ඇප මත මුදාහරින ලෙස කඩුවෙල මහෙස්ත‍්‍රාත් අතිරේක දිසා විනිසුරු ප‍්‍රසන්න අල්විස් මහතා ඊයේ (03) දා නියෝග කළේය.

තවද ඔහුගේ රියැදුරු බලපත‍්‍රය අත්හිටුවන ලෙසත් රුපියල් ලක්ෂ පහක මුදලක් මරණකරුගේ බිරිඳට ගෙවන ලෙසත් විනිසුරුවරයා නියෝග කළ අතර රුපියල් ලක්ෂ පහක මුදල විවෘත අධිකරණය තුළදී එම අවස්ථාවේදීම ලබා දෙන ලදී.

රිය අනතුරින් මරණයට පත් වූයේ මීගහතැන්න, වෙලපහළ, මාවතවත්ත ප‍්‍රදේශයේ පදිංචිව සිටි ගම්මන ලියනගේ වසන්ත උදය කුමාර නමැති 42 හැවිරිදි එක්දරු පියෙකි.

මියගිය පුද්ගලයා පසුගිය 19 වැනිදා අලූයම 12.45 ට පමණ තලවතුගොඩ ඉන්ධන පිරවුම්හල ඉදිරිපිට පදික මාරුවේ නඩත්තු කටයුතු සිදු කරමින් සිටි මාර්ග සංවර්ධන අධිකාරියට අනුයුක්තව සේවය කළ අයෙකි.

රංගන ශිල්පියා අධික ලෙස බීමතින් රිය පදවා ඇති අතර අනතුර සිදුවීමට පෙර වාහනයේ අධික වේගය පාලනය කර ගැනීමට නොහැකි වී ඇත. මාර්ගයේ සුදු ඉරි අඳිමින් සිටි කම්කරුවන්ගේ ආරක්ෂාවට තබා තිබූ මාර්ග බාධක කිහිපයක් ද තල්ලූ කරමින් එම සේවකයන් පෙරළා ගෙන වාහනය ධාවනය වී තිබිණි.

අනතුර සිදුකර පළා යෑමට තැත් කළ වාහනය අවට සිටි අය විසින් අල්ලා එහි සිටි රංගන ශිල්පියාට පහරදී පොලිසියට භාරදී තිබිණි. තලංගම පොලිසිය මගින් අත්අඩංගුවට ගත් සැකකරු කඩුවෙල අධිකරණය හමුවට ඉදිරිපත් කිරීමෙන් අනතුරුව ඊයේ (03 දා) දක්වා රක්ෂිත බන්ධනාගාරගත කෙරිණි. මෙම නඩුව මැයි මස 05 වැනිදා නැවත කැඳවීමට නියමිතය.

Related posts

රනිල්ගෙන් පොහොට්ටුවන්ට කුණු බැනුම්

Admin

වස විෂ පිරි පිටරට කිරි වලට එරෙහිව සෞඛ්‍ය අමාත්‍යාංශය ඉදිරිපිට විරෝධතා…

colombotoday

එකවර උණ්ඩ හයක් යෙදිය හැකි මෙරට නිෂ්පාදිත රිවෝල්වරයක් සමග දෙදෙනකු අල්ලයි

colombotoday

අනුර මනතුංග පුරාවිද්‍යා අධ්‍යක්ෂ ජනරාල් ධූරයට

colombotoday

නාඳුනන කාන්තා මළසිරුරක් හමුවෙයි

Admin

ශිෂ්‍යත්ව කඩයිම් ලකුණු නිකුත් කෙරේ

colombotoday