ශ්‍රි ලංකා නිදහස් පක්ෂයේ එකම අරමුණ වන්නේ ඉදිරි පළාත් පාලන මැතිවරණය ජයග්‍රහණය කිරීම බව කම්කරු සහ වෘත්තිය සමිති සබදතා අමාත්‍ය ඩබ් .ඩී .ජේ සෙනෙවිරත්න පවසයි .ඔහු මේ බව කියා සිටියේ ඊයේ ( 19) කොළඹ පැවති ප්‍රවෘත්ති සාකච්ඡාවකදීය.
පක්ෂය ජයග්‍රහණය කරවීමට නම් හිටපු ජනාධිපති මහින්ද රාජපක්ෂ සහ වත්මන් ජනාධිපති මෛත්‍රිපාල සිරිසේන එකට එකමුතු කල යුතු බවයි ඔහු පෙන්වා දුන්නේ . වෙන පක්ෂ පිහිටුවා ගනිමින් ශ්‍රි ලංකා නිදහස් පක්ෂය දෙකඩ කිරීමට මහින්ද රාජපක්ෂට කිසිදු උවමනාවක් නොමැති අතරම ශ්‍රිලනිප දෙකඩ කිරීමට උත්සහ කරන්නේ ඒ පක්ෂ වටා ඒකරාශිවී සිටින පිරිසක් බවයි ඔහු සදහන් කලේ.
මෙවර පළාත් පාලන මැතිවරණය තුළදී කෙසේ හෝ ශ්‍රි ලංකා නිදහස් පක්ෂය ජයග්‍රහණය කල යුතු අතරම එසේ නොවුණහොත් තවත් අවුරුදු හතරහමාරකට පසුවත් එක්සත් ජාතික පක්ෂය ජයග්‍රහණය කිරීම වැළැක්විය නොහැකි බවද ඔහු අවධාරණය කලා.