Colombo Today Local News

පොළොන්නරු පොහොට්ටු නායකත්වය රෝෂාන්ට…. මෛත්‍රී රොෂාන් යටතට !

හිටපු ජනාධිපති මෛත්‍රීපාල සිරිසේන මෙවර මහමැතිවරණයේ දී පොළොන්නරුව දිස්ත්‍රික්කයෙන් තරඟ කිරීම සඳහා නාම යෝජනා අත්සන් කර තිබෙනවා. නමුත් පොළොන්නරුව දිස්ත්‍රික්කයේ නායකත්වය ලබා දී ඇත්තේ හිටපු රාජ්‍ය අමාත්‍ය රොෂාන් රණසිංහටයි.

ඒ අනුව ඉතිහාසයේ පළමු වරට හිටපු ජනාධිපතිවරයෙකු කණ්ඩායම් නායකත්වය පවා අහිමිව කණිෂ්ඨ දේශපාලනඥයෙකුගේ නායකත්වය යටතේ මහමැතිවරණයට ඉදිරිපත් වී තිබෙනවා. මීට අමතරව ඉතිහාසයේ පළමු වරට පක්ෂ සභාපතිවරයා පක්ෂයේ කණිෂ්ඨයෙකුගේ නායකත්වය යටතේ මැතිවරණයට ඉදිරිපත් වීමද මෙවර සිදුවෙන්නේ මෛත්‍රීපාල සිරිසේන, රොෂාන් රණසිංහගේ නායකත්වයෙන් පොළොන්නරුවට තරඟ කිරීමත් සමගයි.

මෙම තත්වය දේශපාලන ක්ෂේත්‍රයේ බොහෝ කතාබහක් ලක් කළ කාරණයක් වූ අතර මුලින් නාම යෝජනා අත්සන් කළේ හිටපු ජනාධිපති මෛත්‍රීපාල සිරිසේනයි. ඔහු ලැයිස්තුවේ දෙවැනි තැනට අත්සන් කර ඇත්තේ පළමු තැන හිස්ව තිබිය දී වීම විශේෂත්වයක්. ඒ අනුව ශ්‍රී ලංකා නිදහස් පක්ෂයේ මතය වී ඇත්තේ පොළොන්නරු දිස්ත්‍රික් නායකත්වය සිරිපාල ගම්ලත්ට ලැබෙනු ඇති බවටයි. කෙසේ වෙතත් අවසානයේ එම නායකත්වය මෛත්‍රීපාල සිරිසේනව දැඩි ලෙස විවේචනය කළ රොෂාන් රණසිංහට ලැබීම ශ්‍රීලනිපයේ සිත් රිදවීමක් බව එම පක්ෂයේ හිටපු පසුපෙළ මන්ත්‍රීවරුන්ගේ අදහස වී තිබෙනවා.

කෙසේ වෙතත් මෛත්‍රීපාල සිරිසේන පොළොන්නරුව දිස්ත්‍රික්ක වෙනුවෙන් කණ්ඩායම් නායකත්වය නොමැතිව තරඟ කරන්නේ පාර්ලිමේන්තු මැතිවරණ කිහිපයකටම පසුවයි.

Related posts

මන්ත්‍රී ගුණතිලක රාජපක්ෂ විදුලි සෝපානයක සිරවෙයි

Admin

එක්ස්රේ පටලවල හිඟයක්… දත් ආශ්‍රිත සියලු එක්ස්රේ පරීක්ෂණ කල් යයි…

colombotoday

ශ්‍රි ලංකා නිදහස් පක්ෂයේ 70 වන සංවත්සර සමුළුව අද ​වීඩියෝ තාක්ෂණය ඔස්සේ

colombotoday

පදවිය වැවෙන් ජලය හොරකම් කළ තිදෙනෙක් රිමාන්ඩ්

Admin

රාජ්‍ය සේවකයින්ගෙන් අග්‍රාමාත්‍ය දිනේෂ් ගුණවර්ධන මහතා විශේෂ ඉල්ලීමක් සිදුකර තිබේ.

Admin

අගමැති සමග ඇතැයි කියන ආරවුල ගැන මහ බැංකු අධිපතිගෙන් පණිවුඩයක්

colombotoday