හිටපු ජනපති කාර්ය මණ්ඩල ප්‍රධානී අයි.එච්.කේ.මහානාම සහ දැව සංස්ථාවේ හිටපු සභාපති පී. දිසානායක යන මහත්වරුන්ට අද (19) කොළඹ විශේෂ ත්‍රිපුද්ගල මහාධිකරණය විසින් සිරදඬුවම් නියම කරන ලදී.
එහිදී අයි.එච්.කේ. මහානාම මහතාට වසර 20 ක් ද පී.දිසානායක මහතාට වසර 12 ක ද බරපතල වැඩ සහිත සිරදඬුවම් නියම කෙරිණි.
රුපියල් මිලියන 20 ක් අල්ලස් ලබාගත්තැයි මොවුනට එරෙහිව ඇති චෝදනාව වේ. මහාධිකරණය විසින් අද එම නඩුව කැඳවූ අවස්ථාවේ දී මෙම නියෝගය නිකුත් කළේය.