දැනට රක්ෂිත බන්ධනාගාර ගත කර සිටින හිටපු ඇමැති රාජිත සේනාරත්න මහතාට ඇප ලබාදෙන ලෙස ඔහුගේ නීතිඥයන් විසින් අධිකරණය හමුවේ අයදුම්පතක් ගොනු කර තිබේ.
ඇප අයදුම්පතේ සදහන්ව තිබුනේ වයස අවුරුදු 70 ක් වන හිටපු ඇමතිවරයාට බන්ධනාගාරවල දී කොරෝනා වැළඳීමේ ඉඩකඩක් ඇති නිසා මානුෂිකව සලකා බලමින් ඇප නියම කරන ලෙසයි.
තවද ඔහුට මේ වන විට හෘද සැත්කමක් කර ඇති බවත් දීර්ඝකාලීන ඖෂධ ලබාගන්නා බවත් තවත් සෞඛ්‍යමය හේතු ගණනාවක් ඇති නිසා ඇප මත මුදාහරින ලෙස ඉල්ලා සිටියේය.
නමුත් නීතිපතිවරයා වෙනුවෙන් පෙනී සිටි නියෝජ්‍ය සොලිස්ටර් ජනරාල්වරයා සඳහන් කර ඇත්තේ එවන් තත්ත්වයක පසුවන පුද්ගලයෙකුට හොඳම ස්ථානය බන්ධනාගාරයේ පිහිටා ඇති නිරෝධායන මධ්‍යස්ථානය බවයි.