කොරෝනා වයිරසය ස්පාඤ්ඤයෙන් වාර්තා වන සමස්ත මරණ ගණන 8,000 ඉක්මවා ගොස් ඇතැයි එරට රජය කියයි.
ගෙවීගිය පැය 24 දී එරටින් මරණ 849ක් වාර්තා වී ඇති අතර ඒ අනුව එරට සමස්ත මරණ ගණන 8,189ක් දක්වා ඉහළ ගොස් ඇත.
ගෝලීය වසංගතයක් බවට ප්‍රකාශයට පත් කරන තිබෙන කෝවිඩ්-19 හෙවත් නව කොරෝනා වයිරසය හේතුවෙන් ඉතාලියට පසුව වැඩිම මරණ ගණනක් වාර්තා වන්නේ ස්පාඤ්ඤයෙනි.
ඉරිදා ස්පාඤ්ඤයෙන් වාර්තා වූ මරණ තරමක් අඩු වී තිබූ අතර ඒ අනුව ස්පාඤ්ඤ බලධාරීන්ට යම් බලාපොරොත්තුවක් ඇති වී තිබිණි. ස්පාඤ්ඤය තුළ කොරෝනා වයිරසය උච්ඡතම අවස්ථාවට පැමිණ ඇතැයි ද දිනපතා වාර්තා වන ආසාදිතයන් සහ මරණ ගණන ක්‍රමයෙන් අඩුවනු ඇතැයි ද ස්පාඤ්ඤය බලධාරීහු බලාපොරොත්තු තබා සිටියහ.
අද පස්වරු 4 වනවිට ගෙවීගිය පැය 24ක කාලයේදී ස්පාඤ්ඤයෙන් වාර්තා වූ කොරෝනා ආසාදිතයන්ගේ ගණන 9,222ක් වූ අතර ඒ අනුව එරටින් වාර්තා වන සමස්ත ආසාදිතයන්ගේ 94,417ක් දක්වා ඉහළ ගියේය.
ඒ.එෆ්.පී.