යහපාලන ආණ්ඩුව බලයට පත්වූ පසුවරුපියල අවප්‍රමාණය වීම නිසා රුපියල් බිලියන 1000කට වඩා ණය බරක් ශ්‍රී ලංකා ආර්ථිකයට එක්වී ඇතැයිඑක්සත් ජනතා නිදහස් සන්ධාන පාර්ලිමේන්තු මන්ත්‍රී ආචාර්ය බන්දුල ගුණවර්ධන මහතා ඊයේ (18දා)පැවසීය.
2015 වසරේදී රුපියල් බිලියන 285ක්,2016 වසරේදී රුපියල් බිලියන 187ක්, 2018 වසරේදී රුපියල් බිලියන 300ක් ආදී වශයෙන් ණය එකතුවී තිබෙන බවද ඒ මහතා සඳහන් කළේය.
ආණ්ඩුවේ මූල්‍ය කළමනාකරණය අසාර්ථකවීමනිසා මෙම තත්ත්වය ඇතිවී තිබෙන බවද ඔහු කීය.
පසුගිය රජය සමයේදී මත්තල ගුවන්තොටුපොළ,හම්බන්තොට වරාය,මිහින් ලංකා ගුවන්තොටුපොළ,අකුරේගොඩ ආරක්ෂක මූලස්ථානය,එයාර් ලංකා සමාගම,නෙළුම් කුලුන,හම්බන්තොට තොරතුරු තාක්ෂණ මධ්‍යස්ථානය ආදී ව්‍යාපෘති 09ක් සඳහා රුපියල් බිලියන 300ක පමණ මුදලක් වැයවී තිබෙන බවත්, යහපාලන රජය මේ එවැනි තුන්ගුණයක ණය මුදලක් ලබාගෙන තිබුණද කිසිදු ව්‍යාපෘතියක් ආරම්භ කර නැති බවත්පැවසූ මන්ත්‍රීවරයාඒ සම්බන්ධව ජනාධිපතිවරයා සහඅගමැතිවරයා රටට ප්‍රකාශයක් කළ යුතු බවද කියා සිටියේය.