මෙවර යල කන්නයේ අර්තාපල් සහ උඩරට එළවළු වගාව සඳහා හිඟයකින් තොරව පොහොර ලබා දෙන ලෙස රජයට බල කරමින් වැලිමඩ ගොවීන් අද(06)දින පෙරවරුවේ කැප්පෙටිපොළ විශේෂිත ආර්ථික මධ්‍යස්ථානය ඉදිරිපිටදී විරෝධතාවයක නිරත වුණි.
ඊට සහභාගී වී සිටි ගොවීන් සඳහන් කර සිටියේ වගාවන් සඳහා අවශ්‍ය පොහොර සහනාධාරය කෙසේ වෙතත් මුදලටවත් ලබා ගැනීමට නොහැකි වී ඇති බවයි.
කෙසේ වෙතත් රටේ කිසිදු පොහොර හිඟයක් නොමැති බවත් සියලු පොහොර බෙදාහැර අවසන් බවත් පොහොර ලේකම් කාර්යාලය පැවසුවත් දඹුල්ල නගරයේ වෙළඳසැල් ඉදිරිපිට පොහොර මිලදී ගැනීම සඳහා ගොවීන් රැඳීසිටි බව වාර්තා වේ.