ප්රවීණ කලාකරු ජැක්සන් ඇන්තනී මහතා ළඟදීම ‘බරපතළ වංචා විමර්ශන කොට්ඨාසය’ (FCID) වෙත කැඳවීමට නියමිත බව වාර්තා වේ.
එසේ කැඳවීමට යන්නේ, මාගම්පුර මහින්ද රාජපක්ෂ වරාය විවෘත කිරීමේ දී සිදු කළ ප්රාසාංගික උත්සවයට වැය කර ඇති රුපියල් කෝටි ගණනක මුදල සම්බන්ධයෙන් ලැබී ඇති පැමිණිල්ලක් සම්බන්ධයෙන් ප්රශ්න කිරීම සඳහාය. එම උත්සවයේ නිර්මාණ අධ්යක්ෂවරයා වූයේ ජැක්සන් ඇන්තනී මහතා ය.
මෙම විවෘත කිරීමේ උළෙල පැවැත්වූයේ 2010 වසරේ නොවැම්බර් 18 වන දිනය.
මෙම ප්රාසාංගික කටයුත්ත සඳහා වූ සමස්ත වියදම සම්බන්ධයෙන් තවමත් සොයා බලමින් සිටින බව වාර්තා වන අතර එහි පිරිවැය දැරුවේ වරාය අධිකාරියයි.
මෙම වැඩසටහන වෙනුවෙන් ජැක්සන් ඇන්තනී මහතාට නිශ්චිතවම ගෙවූ මුදල ගැන සඳහන් සටහන් අතුරුදන්ව ඇති බවත් එම අධිකාරියේ ආරංචි මාර්ග පවසයි.