2015 ජනාධිපතිවරණයේදී මහින්ද රාජපක්ෂ මහතාගේ මැතිවරණ ව්‍යාපාරයට චීනයෙන් මුදල් හිමිවූ බවට පළවූ නිව්යෝර්ක් ටයිම්ස් වාර්තාව සම්බන්ධයෙන් රහස් පොලිසිය විමර්ශන ආරම්භ කර තිඛෙනවා.
ඒ අනුව මෙම පුවත්පත් වාර්තාව පිළිබඳ විමර්ශනයක් සිදුකරන ලෙස ඉල්ලා පැමිණිල්ලක් ගොණුකල වෙබ් මාධ්‍යවේදීන්ගේ ජාතික ව්‍යාපාරයට අද රහස් පොලිසිය හමුවේ පෙනීසිටින ලෙසටයි දැනුම්දීමක් සිදුකර ඇත්තේ.
හම්බන්තොට වරාය ව්‍යාපෘතියට සම්බන්ධ චීනයේ චයිනා හාබර් සමාගමෙන් හිටපු ජනාධිපතිවරයාගේ මැතිවරණ ව්‍යාපාරයට ඩොලර් මිලියන 7.6 ක මුදලක් අයථා ලෙස ලබා දී ඇති බවටයි නිව්යෝර්ක් ටයිම්ස් පුවත්පත වාර්තා කර තිබුණේ.
ඒ සම්බන්ධයෙන් වෙබ් මාධ්‍යවේදීන්ගේ ජාතික ව්‍යාපාරය පොලිස් මූල්‍ය අපරාධ විමර්ශන කොට්ඨාශයට පැමිණිලි කල අතර පසුව එම විමර්ශන රහස් පොලිසියට භාර කෙරුණා.