පසුගිය අප්‍රේල් 21 වැනිදා සිදුවූ පාස්‌කු ප්‍රහාරයට අයිසිස්‌ නායක අබුබකර් අල් බැග්ඩෑඩිගේ සම්බන්ධය ගැන මෙරට ආරක්‍ෂක බලධාරීන් හෝ බුද්ධි අංශ විසින් ඉරාක බුද්ධි සේවාවෙන් තොරතුරු විමසා නැත.
අයිසිස්‌ නායක බැග්ඩෑඩි ඉරාකයේ අන්බාර් කාන්තාරයේ ඇමෙරිකානු කඳවුරක සිටින බව ඉරාක මන්ත්‍රී හසන් සලීම් ඉරාක පාර්ලිමේන්තුවේදී ප්‍රකාශ කර තිබිණි.
එසේම රුසියානු ආරක්‍ෂක කවුන්සිලය ද ශ්‍රී ලංකාවේ සිදුවූ පාස්‌කු ප්‍රහාරය අයිසිස්‌ මෙහෙයුමක්‌ බවත් ප්‍රහාරය එල්ල කළ අන්තවාදීන් ඉරාකයට සහ සිරියාවට ගොස් සටන් කර ආපසු ශ්‍රී ලංකාවට පැමිණ මෙම ප්‍රහාරය එල්ල කළ බවත් හෙළි කර ඇත.
එහෙත් මෙරට රජය මේ ප්‍රහාරය ගැන ඉරාක රජයෙන් ද තොරතුරු විමසා නැත.
ශ්‍රී ලංකාවට එල්ල වූ පාස්‌කු ප්‍රහාරයට අයිසිස්‌ සංවිධානය සම්බන්ධ බවට ඉන්දීය ජාතික විමර්ශන ඒජන්සිය ද සනාථ කර තිබිණි.
එහෙත් ශ්‍රී ලංකා රජය මේ ගැන අවධානය යොමුකර නැත.
Divaina