Colombo Today Local News

පාස්කු ත්‍රස්තයින් ප්‍රවාහනය කළ වෑන් රථයක් අත්අඩංගුවට

පාස්කු ඉරුදින එල්ල වූ ත්‍රස්ත ප්‍රහාරයට සම්බන්ධ පුද්ගලයින් විසින් පවත්වාගෙන ගොස් තිබූ නුවරඑළිය පුහුණු කඳවුරකට පුද්ගලයින් ප්‍රවාහනය කිරීමට යොදාගත් ඩොල්ෆින් වර්ගයේ වෑන් රථයක් පොලීසිය විසින් ඊයේ (22)දින සොයාගෙන තිබේ.

පාස්කු ප්‍රහාරය සම්බන්ධයෙන් විමර්ශනවලදී අත්අඩංගුවට පත්ව රක්ෂිත බන්ධනාගාරගත කර සිටින මුහම්මදු හනිෆා මුහම්මදු අක්‍රම් විසින් නුවරඑළිය පුහුණු කඳවුරට පුද්ගලයින් ප්‍රවාහනය කළ වෑන් රථයක් බවට එය හඳුනාගෙන ඇත.

අක්කරේපත්තුව පොලිස් වසමේ අඩ්ඩාලච්චේන ප්‍රදේශයේ පුද්ගලයෙකුට පසුගිය මාසයේ එම වෑන් රථය අලෙවිකර තිබියදී මඩකලපුව දිස්ත්‍රික් අපරාධ විමර්ශන කොට්ඨාසයේ පොලිස් නිලධාරීන් විසින් ඊයේ (22)දින එම රථය සොයාගෙන කාත්තන්කුඩි පොලීසියට භාරදී තිබුණි.

මෙම වෑන් රථය නුවර ප්‍රදේශයේ වාහන අලෙවිකිරීමේ ස්ථානයක මාස තුනක කාලයක් තබා තිබුණ ද එය විකුණා දැමීමට නොහැකි වූ නිසා සැප්තැම්බර් මස සමන්තුරේ ප්‍රදේශයේ වාහන අලෙවිකිරීමේ ස්ථානයක් වෙත ගෙනවිත් දමා ඇති බවට අනාවරණය වී තිබේ.

එහි තිබියදී සැප්තැම්බර් මස 04වන දා අදාළ රථය වර්තමාන හිමිකරු විසින් මිලදී ගෙන ඇති බව හෙළිවුණි.

මේ අතර පාස්කු ඉරුදින බෝම්බ ප්‍රහාරය සිද්ධියට සම්බන්ධ සැකපිට පසුගිය අප්‍රේල් 25වන දින කාත්තන්කුඩි හීදී අත්අඩංගුවට පත් මුහම්මදු හනිෆා මුහම්මදු අක්‍රම් නමින් මිලදී ගෙන භාවිතා කරන ලද තවත් කුඩා ප්‍රමාණයේ මෝටර් රථයක් ද රිස්වි නගරයේ සඟවා තිබියදී පොලීසිය විසින් සොයාගෙන තිබුණි.

ඒ, පසුගිය 16වන දින මඩකලපුව දිස්ත්‍රික්කයේ අපරාධ විමර්ශන කොට්ඨාසයට ලැබුණු තොරතුරක් අනුව ය.

Related posts

ජනපති ඝාතන ඉන්දීය රෝ කුමන්ත්‍රණය මට කීවේ දේදුණු පාට කැබිනට් ඇමතියි – The hindu මාධ්‍යවේදිනිය කියයි..

colombotoday

හමුදාපතිගෙන් විශේෂ ප්‍රකාශයක් (Video)

colombotoday

හමුදාවට අපහාස කළ මහඇමතිව නාවික කදවුරකට ගෙන්වාගනී.. සුපිරි සංග්‍රහයකුත් දෙයි

colombotoday

“රණවිරුවන්ට වින කරන අතුරුදන් පනත බල රහිත කරන්න” – ශ්‍රී ලාංකික ඩයස්පොරාව ජනපතිගෙන් ඉල්ලයි

colombotoday

නවක වදය දුන් සිසුන් 15 යළි රිමාන්ඩ්

colombotoday

පන්තියක උපරිම සිසුන් ගණන 15යි – සඳුදා සිට පාසල් පවත්වන්නේ මෙලෙසයි

colombotoday