ස්ටෑන්ඩප් කොමඩියකදී ‘සුද්දෝදනගෙ කොලුවා’ යැයි සඳහන් කිරීමෙන් බුදුන්ට අපහාස කළා යැයි බලංගොඩ කස්සප හිමි ප්‍රමුඛ පිරිසක් විසින් නඩු පවරා තිබූ නතාෂා එදිරිසූරිය අද (19) දින අධිකරණයෙන් නිදොස් කොට නිදහස් කර තිබෙනවා.
”නතාෂා අත්අඩංගුවට ගැනීමේදී ‘බුදුන්ට අපහාස කළ කත’ යැයි ප්‍රවෘත්ති පළකරමින් ඇය වරදකාරියක ලෙස හුවා දැක්වූ ප්‍රධාන ධාරාවේ මාධ්‍ය ඇගේ නිර්දෝශීභාවය වෙනුවෙන්ද එබඳුම කාලයක් ලබාදී මාධ්‍ය ආචාර ධර්ම ආරක්ෂා කරනු ඇත්දැයි අපි බලා සිටිමු.” යයි සමාජ මාධ්‍ය ක්‍රියාකාරික චින්තන ධර්මදාස පවසයි.