2005 වසරේදී එවක විදේශ කටයුතු අමාත්‍යවරයා වූ ලක්ෂ්මන් කදිරගාමර් මහතා වෙඩි තබා ඝාතනය කිරීමේ සිද්ධියේ සැකකරුවෙකු අත්අඩංගුවට ගත් බව ජර්මනිය පවසනවා.
නවනීදන් ජී ලෙස හඳුනාගෙන ඇති 39 හැවිරිදි සැකකරුට ප්‍රධාන චෝදනා 3 ක් එල්ලවී ඇති බවයි ජර්මානු බළධාරීන් කියාසිටියේ.
විදේශ ත්‍රස්ත සංවිධානයක සාමාජිකත්වය දැරීම / පුද්ගල ඝාතනය සහ ඝාතනයකට තැත් කිරීම එම චෝදනායි.
ඊ පී ඩී පී පක්ෂයේ නායක ඩග්ලස් දේවානන්දා මහතා ඝාතනයට තැත්කිරීම සම්බන්ධයෙන්ද මෙම සැකකරුට චෝදනා එල්ල වී ඇතැයි සඳහන්.
මොහු කොපමණ කලක සිට ජර්මනියේ වාසය කර ඇතිදැයි මෙතෙක් අනාවරණය වී නැහැ.