ඉන්දීය පාලිත කාශ්මීර කලාපයේ ඇඳිරි නීතිය පනවා තිබේ. හෙට (05) දිනයේදී එම කලාපයේ විරෝධතා පැවැත්වේ යැයි අනුමාණ කරමින් එම තීරණය ගෙන ඇත.
ඉන්දීය පාලිත කාශ්මීර කලාපයට ලබා දී තිබූ “විශේෂ තත්ත්වය” එරට බලධාරීන් විසින් ඉවත් කළේ හෙට වැනි දිනක දීය. ඒ, 2019 අගෝස්තු 5 වැනිදා ය.
හෙට දින “කළු දිනය” ලෙස සැමරීමට විරෝධතාකරුවන් සැරසෙන බවට තොරතුරු ලැබීම හේතුවෙන් එවැනි තීරණයක් ගෙන ඇති බව ඉන්දීය මාධ්‍ය වාර්තා කරයි.
කොවිඩ් සංචරණ සීමා හේතුවෙන් සමූහ රැස්වීම් පැවැත්වීම ද තහනම් ය.