සිරස රූපවාහිනියේ නාලිකා ප්රධානී ලෙස කටයුතු කළ චන්දන සූරියබණ්ඩාර මහතා එම තනතුරින් ඉවත්කර ස්ටයින් මැදිරි සංකීර්ණයේ ප්රධානියා ලෙස පත්කර ඇත.
මේ අතර, සිරස මාධ්ය ජාලයේ ප්රධාන විධායක නිලධාරියා ලෙස සුසාර දිනාල් පත්කර ඇති අතර, ඔහු සිරස නාලිකා ප්රධානියා ලෙසද පත් කර ඇත. MTV/MBC ඉහල පුටුවක සිටින කාන්තාවක් මේ සඳහා තිරය පිටුපස විශාල කාර්යභාරයක් සිදුකර ඇති බවයි වැඩිදුරටත් වාර්තා වෙන්නේ.
MBC ප්රධාන විධායක නිලධාරි ලෙස කටයුතු කල ලක්ෂ්මි ජයසිංහ මෙනවියද එම තනතුරින් මහාරාජා සමූහ ව්යාපාරය සතු රූපලාවන්ය අලෙවි ආයතනයකට මාරුකර යවා ඇති අතර MBC සමුහ අධ්යක්ෂිකා ලෙස ශාන්ති බගිදරන් පත්කර ඇත.
ජනාධිපතිවරයාට අවමන් සහගත ලෙස කතා කිරීම හේතුවෙන් සිරස මධ්යජාලයෙන් ඉවත් කල බවට සඳහන් වූ පාර්ලිමේන්තු මන්ත්රී එස් එම් මරික්කාර් මේ වනවිට මහාරාජා ප්රධාන කාර්යාලයේ සිට වැඩ කටයුතු සිදු කරමින් සිටියි.
LMRB ශ්රේණිගත කිරීම්වල මහාරාජා සමුහ ව්යාපාරයට අයත් සියලුම නාලිකා ඉතා පහලට ඇද වැටී ඇති අතර එම සමීක්ෂණ වාර්තා ප්රතික්ෂේප කිරීමට ආයතන හිමිකරු කිලී මහරාජා මීට පෙර කටයුතු කර සිටියේය.