Articlesfeatured

සිරිසේන ජනාධිපති තුමනි දැන් මේ මළ ඉලව් සංහිදියාව නවත්වන්න.

කා රවට්ටන්ටද මේ ඉලව් සංහිදියාව කරගෙන යන්නේ,? චන්දය බලාපොරුත්තුවෙන් ද   අපේ රට තේරුමක් නැති සංහිඳියාව වෙනුවෙන්  පාවාදෙන්නේ ?

මොන ව්‍යවස්ථාවක් හැදුවත් බුද්ධ සාසනයට  දියයුතු  විශේෂ තැන හෑල්ලුවට ලක්කරන ව්‍යවස්ථාවක් බෞද්ධ මහා ජනතාව කවරදාකවත් පිළිගන්නේ නැති බැව් සිරිසේන ජනාධිපති තුමා තරයේ සිහියෙ තබා ගතයුතුය.

සිංහල බෞද්ධයන් වැඩියෙන්  සිටි ශ්‍රී ලංකා යුද හමුදාව  විසින්  රටේ සිංහල දෙමල මුස්ලිම්  ජනතාවගේ සුභ සිද්ධිය සඳහා ජීවිත කැපකර  ත්‍රස්තවාදය නිමා කරමින් ත්‍රස්ථාවාදීන්ගෙන්  රටබෙරාගත්තේ  කලහිගුණ නොදන්නා අතලොස්සක් දෙමල දේශපාලන ජාතිවාදීන් වෙනුවෙන්  රටත් බෞද්ධ ආගම හා බෞද්ධ සංස්කෘතිය කැපකිරීමට නොවේ. 

සිරිසේන ජනාධිපති ඉඳහිට කියන පරස්පර විරෝධි කතා අහනකොට මෙ මනුස්සයාගේ  මොලයේ අභාදයක්වත් තියෙනවාදැයි  හිතෙනවා. සැරෙන්සැරේට මහආඩම්බරයෙන් කියනවා ලෝකයේ වෙන කිසි ජනධිපතිකෙනෙක් වගේ නොවෙයි මම ම මගේම විධායක ජනාධිපති බලතල  අඩූකරගත්ත කියල. නමුත් උනේ වේනත් දෙයක්.

සිරිසේන ජනාධිපති ඔහුගේ බලතල ඔහු විසින්ම අඩුකර්ගත්තා නොවේ. ඒක උනේ ඔහුගේ අගමැති රනිල් බටහිරින් ලබාගත්  අවවාදයන් අනුව 19 වැනි ව්‍යවස්ථා සංශෝධනයෙන් ජනාධිපතිගේ  විධායක බලතල අඩුකර  විධායක ජනාධිපති වරයාට තිබු  අගමැති අස්කර දෑමීමට හෝ පරලිමේන්තුව විසිරුවා හැරීමට තිබු  බලතල  කපා හැරීමයි. දැන් ජනාධිපතිවරයා  තටු  කපාපු නොන්ඩි තාරාවෙක්  වගේ.

සිරිසේන ජනාධිපති තුමනි ඔබට පෙන්නේ නැද්ද දැන් රනිල් අග්‍රාමාත්‍යවරයා ඔබේන් අහන්නේ නැතිව ඔහුට ඔන විධියට ඔබේ විධායක බලතල ඔහුපිට  පටවාගෙන රට අගාදියට ගෙනයන වැඩපිළිවෙල ?  සිංගප්පුරුව සමග අත්සන්කළ වෙළඳ ගිවිසුම ඔබට කියලා නෙවෙයි නේ අත්සන් කලේ. ඔබ එක එක තැන ගිහිල්ල පණ්ඩිත වාක්‍ය කියෙව්වත් අද රට කරන්නේ ඔබ නොවේ  ඔබේ රනිල් වික්රමසිංහ අග්‍රාමාත්‍ය වාරයායි. ඒ බව දැන්වත් තෙරුම්ගන්න.

ජනාධිපති තුමා දැන් කියනවා විශ්වාශකළ හැකි යහපත්  කෙනෙක් අග්‍රාමාත්‍ය තනතුර සඳහා සුදානම් කරගත යුතුයි කියල. ජනාධිපතිතුමන්ගෙන් අහන්ට කැමතියි එතුමා ජනාධිපති බවට පත්වෙලා තොරාගත්තේ  එවැනි සත් පුරුෂයෙක්ද  ? එදා  ජනාධිපති සිරිසේන තොරගත්තේ ආගමට, ජාතියට, රටට  කිසිම ආදරයක් ගෞරවයක් නැති අස්මත්ජාති අසත් පුරුෂ රනිල් වික්‍රමසිංහ .  ඒ කල පාපකර්මයට  සිරිසේන ජනාධිපති තුමාට ජාති ජාති පඩිසන්දෙනවා නො අනුමානයි.

දැන් හොඳ යහපත් අගමැති කෙනෙක් තෝරාගන්න අවවාදකරන සිරිසෙන ජනාධිපති  තුමා එදා තෝරාගත්තේ වදකාගාර පවත්වපු, ත්‍රස්තවාදී යුද්දයේදී  යුද හමුදාවට රහස් ඔත්තු සැපයු ඒකකය විනාශකරපු, ජනාධිපතිටවත් පාරලිමෙන්තුවටවත් නොදන්වා ප්‍රභාකරන් සමග යුද නැවැත්වීමේ ( CFA) ගිවිසුමක් අත්සන් කර දහස් ගණනක් මිනිස් ජීවත නැතිකිරීමට ත්‍රස්තවාදීන්ට ඉඩ ප්‍රස්තාව ලබාදුන්  රනිල් වික්‍රමසිංහ කියන අසත්පුරුෂයා. සිරිසේන ජනාධිපති එදා ඒක කලේ ඔහුගේ ම හුදු  ආත්මාර්තකාමි කමත්  මහින්ද  රාජපක්ස  ජනාධිපති තුමා කෙරෙහි තිබු වෛරය ක්‍රෝධය හා ඉර්ෂියාවත් නිසා.

සිරිසෙන ජනාධිපති තුමා  අනුන්ට අවවාද දෙනවා වෙනුවට කල යුත්තේ තමන්ගේම වෛරී හිත පාලනයකරගෙන රටේ ජනතාව ආදරය ගෞරවය කරන මහින්ද රාජපක්ස මැතිතුමන් සමග සහයෝගයෙන් කටයුතුකිරීමට  අවස්තාවක් ඇතිකරගැනීමයි.  එහෙම නැතිව සිරිසේන ජනාධිපති තුමන්ගේ අවවාදවලින්   රටට මොන යහපතක්ද  ?

අපේ රට දිනෙන්දින විනාශයට පත්වෙනවා. මෙතෙක් අපේ රටට සිටුවූ සියලු ආපදාවන්ට සිරිසේන ජනාධිපති තුමා වගකිව යුතුයි. එදා 2015 ජනවාරි 9වන දා අග්‍රාමාත්‍ය තනතුරට පත්කල අසත්පුරුෂයා පෙබරවාරි 27 වනදා පළමුවන මහා බැංකු වංචාව කළා. මහා බැංකුවේ පාලක තනතුරට සුදුසු බොහෝදෙනෙක් සිටියදී මේ අසත්පුරුෂයා සිංගප්පුරු ජාතිකකයෙක් ඒ පුටුවට නම්කරද්දී  ඊට විරුද්ධව වචනයක්වත් නොකියා ඔය සත්පුරුෂ සිරිසේන ජනාධිපති ඒ පත්වීමට අවසර දුන්නා.  ඊට අවුරැද්දකට පස්සේ 2016 මාතු 25 වනදා දෙවන බැංකු මංකොල්ලය සිදුකලා. සිරිසෙන්ක ජනාධිපති තුමාට තිබුනේ  නැද්ද එක නවත්වන්න පිළිවෙලක්.

ඊට පස්සේ අපේ රටට යු අන් පී නායකයා කල හැම අදුරදර්ශී ක්‍රියාවකට සිරිසෙන ජනාධිපති සම්මාදන් වුනා.  චීන ජනාධිපති පැමිණ පටන් ගත් නගරයේ වැඩ නැවත්තුවා, ජාතික ගීතය දෙමෙලෙන් ගයන්ට අවසර දුන්නා, කොළඹ වරායෙන් කොටසක් ඉන්දියාවට විකුනන්න ඉඩ දුන්නා, හම්බන්තොට වාරයයි ඉඩම් අක්කර ගණනකුයි  චීනයට විකුන්නුවා  ඒක විකුනුමකට සමාන බද්දක්, ඇමෙරිකාව ලංකාවට විරුද්ධව ගෙනා යෝජනාව ඉස ඉහලින් පිළිගත්තා. මංගල සමරවීර ඒ පාවාදීම කලේ සිරිසේන ජනාධි පතිගෙන් අහලද ?

සිරිසේන ජනාධිපතිටවත් ,පාරලිමෙන්තුවටවත් නොකියා සිංගප්පුරු වෙළඳ ගිවිසුම  සිරිසේන ජනාධිපතිගේ  අති උත්තම සත්පුරුෂ රනිල් වික්‍රමසිංහ අත්සන්කළා, දැන් ජනාධිපති තේරීමේ ක්‍රමය වෙනස්කරලා රට අගාදියට සදාකලිකව ඇදදමන්ට ක්‍රමයක් ජනතා වීමූක්තිපෙරමුන  යු අන් පියත් එක්ක එකතුවෙලා  20 වන සංශෝධනයක් පාරලිමේන්තුවට ඉදිරිපත් කරලා ඉවරයි. මේ පිළිබඳව සිරිසේන ජනාධිපති තුමා මේ වෙනකම් පක්ෂව හෝ විපක්ෂව වචනයක් වත් කියා නැ.  නමුත් සියල්ල ඉවර උනාට පස්සේ සිරිසේන ජනාධිපති තුමා කොමිසන් සභාවක් පත්කරයි මේ සම්බන්ධව සොයා බලන්න. එතකොට අශ්වගාලෙන් අශ්වයා පැනගිහින් හමාරයි.

සිරිසේන ජනාධිපති තුමනි ඔබ ටිකක් හිතා බැලුවද ගලගොඩ අත්තේ ඥානසාර හිමියන්ට උසාවියෙන් කරන වද හිංසා ? ඇයි මේ  ?  ඒත් රනිල් වික්රමසිංහයි  ඔබ තුමයි ගෙනයන ඊනියා සංහිඳියාව වෙනුවෙන්ද ?

සිරදඬුවම් නියමවූ ඥානසාර හිමි

ඥානසාර හිමියන්ට දෙන වද හිංසා බෞද්ධ රටකට සුදුසු නොවේ.ඒ කිසිම බෞද්ධයෙකුට  දරාගත නොහැකියි. ඒ හා සමාන  අපකිර්තිමත්   දඬුවමක් උන්වහන්සේට දෙන්නේ  මොන අපරාධයක් කලාටද ? උන්වහන්සේ පෙනීසිටියේ සිංහල බෞද්ධ ජනතාව වෙනුවෙන්. රට ජාතිය ආගමට සිදුවෙන අනතුරකදී ඒ වෙනුවෙන් පෙනීසිටීම, ඒ වෙනුවෙන් හඬක් නැගීමට අය්තියක් බෞද්ධ භිෂුවකුට තියෙනවා .

බෞද්ධ භික්ෂුන් වහන්සේලා ඒ කාර්ය වෙනුවෙන් හඬ නගනවා.  ඒ කාර්යයේ කොටසක්  ඥානසාර හිමියන් එදා උසාවියේ කළේ. බෞද්ධ සාසනය ආරක්ෂාකර  විශේෂ තැනක් බෞද්ධ සාසනයට දිය යුතුයයි ව්‍යවස්ථාවේ සඳහන් වෙනවා . බෞද්ධ භික්ෂුව ඒ බෞද්ධ සාසනයට හිමි  තුන් රුව්ණින් එක් රුවණක්. එබැවින් අපරාධයකට සම්බන්දනොවූ බෞද්ධ භික්ෂුවකට සිර දඬුවමක්දීම ව්‍යවස්ථාවට පටහැනියි.

ගලගොඩ අත්තේ  ඥානසාර  ස්වාමීන් වහන්සේ මිනිමරුකමක් හෝ අපරාධයක් කර නැ. එබැවින් සිරිසේන ජනාධිපති තුමාට යුතු කමක් තියනවා  ඥානසාර හිමියන්  සිර දඬුවමින් නිදහස් කරවන්න.  ඇයි ඔබතුමා බෞද්ධයෙක් වශයෙන් හා ව්‍යවස්ථාවේ ආරක්ෂකයා වශයෙන්  ඥානසාර හිමියන් සිර දඬුවමෙන් නිදහස් නොකරන්නේ ?

කල්නොයවා යු ඇන් පිය  අලුත් ව්‍යවස්තාවක්ද ඉදිරිපත් කරයි. ඒක අහේතුවකින් පාරලිමේන්තුවෙන් පාස්කර ගත්තොත් සිරිසේන ජනාධිපති තුමා ඒ ගැන සොයා බලන්න  තවත් කොමිසන් සභාවක් පත්කරයි. මේවා සියල්ලම කරන්නේ දෙමල දේශපාලකයින් අතලොස්සකගේ  හිත දිනාගැනීම ප්‍රාර්ථනා  කරගෙන ගෙනයන සංහිදියාව වෙනුවෙන් නේද ?

මෙහෙම තමයි ශ්‍රී ලංකාවේ යහපාලන ආන්ඩුවගෙන යන ක්‍රියා කලාපය. මහින්ද රාජපක්ස ජනාධිපති තුමා  රට හැදුවා සිරිසේන ජනාධිපති තුමා  අවුරුදු 2600 ක තරම් ඉතිහාසයක් තියෙන බෞද්ධ රට සංහිදියාව කියන මගඩියෙන් විනාෂකලා .

මයිත්‍රීරිපාල සිරිසේන ජනාධිපති තුමනි  දැන්වත් අවධිවන්න. නුවනින් හිතාබලා අග්‍රාමාත්‍යවරයා වෙනස්කරන්න. රටේ ජනතාවගේ ආදරය ගෞරවයට පත්වී සිටින මහින්ඳ රාජපක්ස මැතිතුමා සමග සහයෝගයෙන් කටයුතු කරන්න දැන්වත් වයිරය, ක්‍රෝධය, මාන්නය හැරදමා  අද අසරණවී සිටින අපේ මව් බිම වෙනුවෙන්,  ඉදිරිපත්වන්න. ජනතාව එය ඔබෙන් බලාපොරොත්තුවෙනවා.

  • චාර්ල්ස් එස් පෙරේරා  විසිනි

Related posts

උඩරට ව්‍යාජ ගිවිසුමෙන් සිංහලේ රාජ්‍යය බ්‍රිතාන්‍යයට පාවා දුන් ඒ අදුරු දිනයට අදට වසර 201යි

colombotoday

අන්තවාදී ඉගැන්වීම් තිබියදී ඉස්ලාම් පෙළපොත් මුද්‍රණයට ඇමති සුසිල්ගෙන් නියෝග.

colombotoday

Video: කොරෝනා මරණ භුමිදානයට මන්නාරම කිසිසේත්ම සුදුසු නෑ. | මහාචාර්ය මෙත්තිකා විතානගේ

colombotoday

සේරුවිල රජමහා විහාරය කිසි දිනක දෙන්නේ නෑ. – කිරිබත්ගොඩ හිමිගේ අසපුව සම්බුද්ධ ශාසනය විනාශ කරන දිලීරයක්. සහරාන්ට වඩා දරුණුයි.

colombotoday

පුරාවිද්‍යා බලධාරීන්ගේ නොසැළකිල්ල නිසා දැයට අහිමිවන වසම්මලේ චිත්‍ර ලෙන් සංකීර්ණය (Photo)

colombotoday

ඉස්ලාමය ව්‍යාප්ත වුණේ කඩුවෙන් මිස දේශනාවෙන් නොවේ…!

colombotoday