එළඹෙන හජ් උත්සවය වෙනුවෙන් ශ්‍රී ලංකාවේ මුස්ලිම් පල්ලි තුළ කුර්බානි සතුන් ඝාතනය කිරීම තහනම් කිරීම පිළිබඳව වක්ෆ් සභාවේ හිටපු සභාපති සහ ජාතික හජ් කමිටුවේ වත්මන් සභාපති අහ්කම් උවයිස් ප්‍රකාශයක් නිකුත් කර තිබෙනවා.
සෞඛ්‍ය මාර්ගෝපදේශයන්ට අනුකූලව සතුන් ඝාතනය කිරීම සඳහා හොඳම ස්ථානය පල්ලිය බැවින් බලධාරීන් වහාම තහනම ඉවත් කළ යුතු බවයි ඔහු සඳහන් කර සිටින්නේ.
කිසිදු මුස්ලිම් පල්ලියක් තුල කුර්බානි සත්ව ඝාතනය සිදු කිරීම සඳහා අවසර නොදීමට ශ්‍රී ලංකා වක්ෆ් මණ්ඩලය ගත් තීරණය පසුගිය 13 වනදා ප්‍රකාශයට පත්කරන ලදි.
ඒ අනුව, කිසිදු මුස්ලිම් පල්ලියක් තුළ කුර්බානි සත්ව ඝාතනය සිදු කිරීමට අවසර නොදෙන ලෙස සියලුම මුස්ලිම් පල්ලි භාරකරුවන්ට නියම කර ඇත.
වක්ෆ්ස් සභාව වෙනුවෙන් එහි අධ්‍යක්ෂක A.B.M. අෂ්රෆ් මහතා විසින් මෙම නියෝගය සියලුම පල්ලි වෙත දන්වා යවා ඇත.