ශ්‍රී ලංකා පොදු ජන පෙරමුණේ ජනාධිපති අපේක්ෂක ගෝඨාභය රාජපක්ෂ මහතාගේ පුරවැසිභාවය නිත්‍යානුකුල බවට ත්‍රිපුද්ගල අභියාචනාධිකරණ විනිසුරු මණ්ඩලය අද (4) තීන්දු කරා. ඒ අනුව ගෝඨාභය රාජපක්ෂ මහතාට ඉදිරි ජනාධිපතිවරණයට ඉදිරිපත් වීමට නීතියෙන් කිසිදු බාදාවක් ඇති වන්නේ නෑ.
දින තුනක් පුරා විභාගයට ගැනුණු ගෝඨාභය රාජපක්ෂ මහතාගේ පුරවැසිභාවය පිළිබඳව ප්‍රශ්නකර අභියාචනාධිකරණයේ ගොනු කොට තිබූ නඩුවේ තීන්දුව ප්‍රකාශයට පත් කරමින් අභියාචනාධිකරණය තීන්දුවට එළඹියේය.
ජනාධිපති අපේක්ෂක ගෝඨාභය රාජපක්ෂ මහතා වෙනුවෙන් ජනාධිපති නීතිඥ රොමේෂ් ද සිල්වා මහතා කරුණු දැක්වූ අතර හිටපු ජනාධිපති මහින්ද රාජපක්ෂ මහතා වෙනුවෙන් ජනාධිපති නීතිඥ ගාමිණි මාරපන මහතා කරුණු දක්වන ලදි.
පෙත්සම් කාර පාර්ශවය වෙනුවෙන් ජනාධිපති නීතිඥ සුරේන් ප්‍රනාන්දු මහතා කරුණු දැක්වීය.