හෝමාගම මහේස්ත්‍රාත් අධිකරණය විසින් බොදු බල සේනා මහලේකම් පූජ්‍ය ගලගොඩඅත්තේ ඥාණසාර හිමියන්ට වසරක සිර දඩුවම් නියම කළ ඊයේ දිනයේ උන්වහන්සේ වෙනුවෙන් විශාල පිරිසක් අධිකරණ භූමියට පැමිණ සිටියේය.
එම ස්ථානයට පැමිණ සිටි ඉසදීන් නමැති මුස්ලිම් ජාතිකයෙකු මාධ්‍යවේදීන් ඉදිරියේ අදහස් දක්වමින් ඥාණසාර හිමියන්ට ලබාදුන් තීන්දුව පිළිබදව මුස්ලිම් ජාතිකයෙකු ලෙස තමන් කණගාටුවට පත්වන බව කියා සිටියේය.
බැදුම්කර වංචනික අර්ජුන් මහේන්ද්‍රන් ඇතුළු කම්බා හොරුන් නිදැල්ලේ සිටියදී රට වෙනුවෙන් කතා කළ ඥාණසාර හිමියන් සිරගත කිරීම තමන්ට දරාගත නොහැකි බවද හෙතෙම කියා සිටියේය.