එප්පාවල පොස්පේට් නිධිය ප‍්‍රයෝජනයට ගනිමින් කාබනික පොහොර මෙටි‍්‍ර‍ක් ටොන් 50,000ක් නිෂ්පාදනය කිරීමේ ජාතික වැඩපිළිවෙළක් ආරම්භ කිරීමට කෘෂිකර්ම අමාත්‍යාංශය පියවර ගෙන ඇත.
මෙරට වාර්ෂික පොස්පරස් අවශ්‍යතාව මෙ.ටොන් 1,25,000 – 1,75,000 අතර සංඛාවක් වන අතර එම අවශ්‍යතාව ඉටුකරගැනීමට හෝ වෙනත් ජාතික අවශ්‍යතාවක් වෙනුවෙන් මෙතෙක් එප්පාවල පොස්පේට් නිධිය කිසිදු ප‍්‍රයෝජනයකට ගෙන නැතැයි කෘෂිකර්ම ඇමැති මහින්දානන්ද අලූත්ගමගේ මහතා සඳහන් කළේය.
ඒ අනුව කෘෂිකර්ම අමාත්‍යාංශය යටතේ පවතින ලංකා පොස්පේට් සමාගම, සින් ටෙක් ආයතනය හා කොළඹ විශ්වවිද්‍යාලය ඒකාබද්ධව පොස්පේට් නිධිය යොදාගනිමින් කාබනික පොහොර නිෂ්පාදනය කිරීමට පියවර ගනු ලබන බවත් ඒ යටතේ පළමු අදියර ලෙස මෙ.ටොන් 50,000 ක් නිෂ්පාදනය කිරීමටත් ක‍්‍රමයෙන් එම ධාරිතාව ඉහළ දැමීමටත් තීරණය කොට ඇතැයිද ඇමැතිවරයා සඳහන් කළේය.