පුජ්‍ය ගලගොඩ අත්තේ ඥානසාර හිමි රණ විරුවන් වෙනුවෙන් කොන්දේසි විරහිතව පෙනී සිටි බව ආබාදිත රණවිරු අයිතිවාසිකම් සුරැකීමේ බලවේගයේ සභාපති U D වසන්ත මහතා පවසනවා.
දේශපාලන ඉඳුල් කන හමුදාවේ විශ්‍රාමිකයැයි පවසන පුද්ගලයෙක් ඥානසාර හිමි ඉලක්ක කර මඩ ගසන බවත් ඔහු දකුණු පළාත් සභාවේ මන්ත්‍රීවරයෙකු ලෙස 2009 සිට 2012 දක්වා සිටි බවත් රණවිරු අයිතිවාසිකම් සුරැකීමේ බලවේගය පවසනවා.
අජිත් ප්‍රසන්න ඥානසාර හිමි සමග වෛරයක් ඇති කර ගැනීමට හේතුව ගණිකා වෘත්තීය නීති ගත කිරීමට දකුණු පළාත් සභාවට ගෙන ආ පනතකට එරෙහිව ඥානසාර හිමි ක්‍රියා කිරීම බවත් ඒ හේතුවෙන් අජිත් ප්‍රසන්න උන්වහන්සේ සමග බද්ද වෛරයකින් සිටින බවත් අන්තර්ජාලයට වීඩියෝවක් එක් කරමින් ඒ මහතා ප්‍රකාශ කර සිටියා.
අජිත් ප්‍රසන්නගේ පහත් හැසිරීම අනුමත නොකරන බව ප්‍රකාශ කර සිටි U D වසන්ත කොන්දේසි විරහිතව රණ විරුවන් සමග පියෙක් වගේ හැමදාමත් සිටි ඥානසාර හිමි සමග බහුතර රණ විරුවන් සිටින බවත් සඳහන් කර සිටියා.