පාකිස්තානයේ ෆෙඩරල් විමර්ශන ඒජන්සිය (Federal Investigation Agency – FIA) විසින් “මුස්ලිම් කාන්තාවක් රැවටිලිකාර ලෙස විවාහ කර ගැනීම” යන චෝදනාව යටතේ එරට ජීවත්වන සුලුතර “අහමදියා මුස්ලිම්” පුරුෂයෙකු අත්අඩංගුවට ගෙන ඇත.
අධිකරණයට ඉදිරිපත්කිරිමෙන් අනතුරුව ඔහු රක්ෂිත බන්ධනාගාර ගත කර ඇත.
පකිස්ථානයේ ජීවත්වන අහමදියා ප්‍රජාව ඉලක්ක කරගෙන දැඩි මර්ධනයක් එරට රජය ඇතුළු මුස්ලිම් සංවිධාන දියත් කර ඇත.
1974 දී පාකිස්තාන පාර්ලිමේන්තුව අහමදියා ප්‍රජාව මුස්ලිම් නොවන අය ලෙස ප්‍රකාශයට පත් කළේය. දශකයකට පසු ඔවුන් මුස්ලිම්වරුන් ලෙස හැඳින්වීම තහනම් කරන ලදී. ඔවුන්ට දේශනා කිරීම සහ වන්දනා චාරිකා සඳහා සෞදි අරාබියට යාම තහනම් කර ඇත.