ඊයේ දහවල් 12 .00ට කොළඹ දිස්ත්‍රික්කයට පැනවූ ඇඳිරී නීතිය අද (15) අලුයම 5 .00 ට ඉවත් කෙරිණ.
මහජන ආරක්ෂක ආඥා පනතේ විධිවිධාන යටතේ පැවරී ඇති බලතල අනුව වැඩ බලන ජනාධිපති රනිල් වික්‍රමසිංහ මහතා විසින් ඊයේ මෙම නියෝගය පැනවනු ලැබීණ.
ඇඳිරි නීතිය ඉවත් කිරීමෙන් පසු කොළඹ දිස්ත්‍රික්කයේ බස් ධාවනය ආරම්භ කළ බව ලංකා පෞද්ගලික බස් හිමියන්ගේ සංගමය පවසයි.
එහි සභාපති ගැමුණු විජේරත්න මහතා සදහන් කරන්නේ, අද දිනයේ සමස්ත බස් රථ සංඛ්‍යාවෙන් 10% ක් පමණ ධාවනයට සැලසුම් කර ඇති බවයි.
කොළඹ ලංගම බස් ධාවනය ද අලුයම 5.00 න් පසු ආරම්භ කළ බව ශ්‍රී ලංකා ගමනාගමන මණ්ඩලය ප්‍රකාශ කළේ ය.
දුම්රිය ධාවනය ද අද සාමාන්‍ය පරිදි සිදු කිරීමට පියවර ගෙන තිබේ.