භාවිතයට නුසුදුසු කසල තේ කිලෝ ග්‍රෑම් 1,890 ක්ප්‍ර‍වාහනය කරමින් සිටි පුද්ගලයකු වෙලමිබඩ – බූවැලිකඩ මාර්ගයේදී විශේෂ කාර්ය බලකාය විසින් අත්අඩංගුවට ගනු ලැබ තිබේ.
විශේෂ කාර්ය බලකායේ ගම්පොළ කඳවුරේ නිලධාරීන්ට ලද තොරතුරකට අනුව මෙම අත්අඩංගුවට ගැනීම සිදු කර ඇත.
වෙලමිබඩ – බූවැලිකඩ මාර්ගයේ, ගම්හත හංදියේදී කසල තේ තොගය ලොරියකින් ප්‍රවාහනය කරමින් සිටියදී මෙම සැකකරු සමග කසල තේ තොගය අත්අඩංගුවට ගත් බව විශේෂ කාර්ය බලකාය පවසයි.
වෙලමිබඩ ප්‍රදේශයේ පදිංචි 31 හැවිරිදි එම සැකකරු වැඩිදුර විමර්ශන සඳහා වෙලමිබඩ පොලිසියට භාර දී තිබේ.