බරපතළ මූල්ය අපරාධ විමර්ශන කොමිෂන් වාර්තා 34ට ඇතුළත් එක් වාර්තාවකින් චෝදනා ලැබූ වත්මන් ආණ්ඩුවේ ප්රබල අමාත්යවරයකුද සිටින බව ශ්රීලනිපයේ උප ලේකම්වරයා හා නාවික කටයුතු අමාත්ය මහින්ද සමරසිංහ පවසයි.
අදාළ ඇමැතිවරයාට එල්ල වී ඇති චෝදනාව සම්බන්ධයෙන්ද නීතිය ක්රියාත්මක කිරීමට ජනාධිපති මෛත්රිපාල සිරිසේන මහතා කිසිසේත්ම පසුබට නොවන බවද සමරසිංහ මහතා පෙන්වා දෙයි.
අමාත්යවරයා පැවසුවේ පසුගිය දිනක ජනාධිපතිවරයා විසින් ඒකාබද්ධ විපක්ෂයේ මන්ත්රිවරුන්ටද ආණ්ඩුවට එක්වීමට කැමැති නම් එක්වන්නැයි ආරාධනා කළ නමුත් ඔවුන්ට චෝදනා පවතින්නේ නම් ඊට එරෙහිවද නීතිය ක්රියාත්මක කිරීමට ඔහු නිසැකවම කටයුතු කරනු ඇති බවය.
හෙතෙම පැවසුවේ ඊයේ (30දා) ශ්රීලනිප මූලස්ථානයේ පැවැති මාධ්ය හමුවේදීය.