නව ආණ්ඩුක්‍රම ව්‍යවස්ථා කෙටුම්පත සකස් කිරීමේ කටයුතු මේ දිනවල සිදුකෙරෙමින් පවතින බව ආණ්ඩුක්‍රම ව්‍යවස්ථා සම්පාදක කමිටුව පවසයි.
කොළඹදී මාධ්‍ය හමුවක් කැදවමින් එහි සභාපති ලාල් විජේනායක මහතා සදහන් කළේ මහජන මතයට අනුව අදාළ ව්‍යවස්ථාව කෙටුම්පත් කෙරෙන බවයි.
ව්‍යවස්ථා කමිටු අතුරු වාර්තාව පිටවීමත් සමග ව්‍යවස්ථා සම්පාදන ක්‍රියාවලිය සම්බන්ධයෙන් මහා නාහිමිවරුන් ප්‍රමුඛ විවිධ පාර්ශව වලින් නැගුණු දැඩි විරෝධයත් සමග එම ක්‍රියාවලිය තරමක් කල් දමන ලෙස අග්‍රාමාත්‍යවරයා උපදෙස් දී ඇතැයි මාධ්‍ය වාර්තා පලවී තිබිණි.
කෙසේ වෙතත් පළාත් පාලන මැතිවරණ උණුසුමත් සමග ව්‍යවස්ථා සම්පාදන ක්‍රියාවලිය පිළිබද දේශපාලන කරළියේ සහ සමාජ අවධානය තරමක් ගිලීහී පැවතුණත් මහා නාහිමිවරුන්ගේ පවා ඉල්ලීම ඉවත දමමින් අගමැතිවරයා ප්‍රමුඛ රජය නව ව්‍යවස්ථාව ගෙන ඒමේ ක්‍රියාවලිය සුපුරුදු පරිදි ඉරියට ගෙනයමින් පවතී.