උතුරේ තරුණ තරුණියන් 50 දෙනෙක් හමුදාගත පදනම යටතේ යුද හමුදා ස්වෙච්ඡා බලසේනාවට බදවා ගත් බව යුද හමුදාව කියයි.
බදවාගත් මෙම පිරිස අතර පුනරුත්ථාපනය වු හිටපු එල් ටී ටී ඊ සමාජිකයින් 11 දෙනෙක් සිටිති.
රටේ අවශ්‍යතාව මත බදවා ගත් මෙම පිරිස දැනට කෘෂිකර්මික ක්ෂෙත‍්‍රයේ අවශ්‍යතාවන් වෙනුවෙන් යොමුකර ඇති බවද හමුදා මාධ්‍ය ප‍්‍රකාශක බි‍්‍රගේඩියර් සුමිත් අතපත්තු මහතා පැවසීය.
මොවුන් හමුදා නිලඇදුම් නොඅදින අතර විශ‍්‍රාම වැටුප ඇතුලූ හමුදාවේ සෙසු පිරිසට ලබාදෙන වරප‍්‍රසාද මොවුන් ට ද හිමිවන බවද හමුදා ප‍්‍රකාශකවරයා සඳහන් කළේය.
රටේ අවශ්‍යතාව මත රටේ සංවර්ධන වෙනුවෙන් ඉදිරියේ දී උතුරේ තරුණ තරුණියන් ස්වෙච්ඡා බලසේනාවට වෙත බදවා ගන්නා බවද හමුදා ප‍්‍රකාශකවරයා වැඩිදුරටත් පැවසීය.